السلام عليكم.. أولاً وقبل كل شيء أحب أشكر كل المدونين الحلوين والمحترمين اللي سألو عن سبب تأخري في الكتابة خلال الفترة اللي فاتت، وأحب أعرفهم اني الحمد لله لسة عايش حر وسليم، مفيش اغتيالات ولا عمليات خطف ولا محاولات اعتقال تمت لغاية دلوقت.. بس كانت شوية مشاغل كدة على شوية احباطات وسدة نفس ربنا ما يحكم على حد...
*****
انتو فاكرين طبعا حكاية سقوطي في امتحان الرويس والباركن بتاع مدرسة السواقة.. أنا كنت نسيت أقولكم اني دخلت الامتحان مرة تاني ونجحت بجدارة الحمد لله.. وكلمة بجدارة دي موجهة للقلة المندسة اللي اتريقت عليا وشمتت فيا ههههههههه.. المهم ان إدارة المرور حددت يوم 15 يوليو كامتحان نهائي في الشارع علشان الرخصة وسلموني بطاقة تدريب علشان اتدرب عند مدرسة خاصة على السواقة في الشارع قبل الامتحان.. وسألت بعض أصحابي هنا عن مدربين كويسين في السواقة.. فدلوني على اتنين.. اتصلت بالأول واتفقت معاه نبدأ يوم الأحد اللي فات بس الراجل قالي ابقى اتصل أكد علي قبل الميعاد بنص ساعة.. وجيت قبل الميعا باتصل بالراجل لقيته في الشرطة لأن العربية اللي بيدرب عليها عملت حادثة.. قولت الحمد لله انها مش من نصيبي انا الحادثة دي.. اتصلت بالتاني وحددت معاه ميعاد وبنفس المنطق طلب اني أكد الميعاد قبلها.. اتصلت بالراجل اعتذر وطلب تأجيل الميعاد اسبوع.. ليه يا عم الحج.. قال علشان في وحدة معرفته لبنانية هتمتحن في يونيو ومستعجلة.. الراجل بصراحة عنده حق دي بنت مش خنشور زي أنا كدة.. وبعدين لبنانية يعني نانسي وهيفا وانتو عارفين بقى..
****
المهم اني اتفقت مع مدرب تالت، سوري ضخم الجثة عريض المنكبين شلولح ... وأخيرا التزم وجه النهاردة الصبح وبدأت التدريب على السواقة في الشارع ... أول ما ركبت وظبطت المرايات وربطت حزام الأمان.. الراجل قالي يلا اطلع سيدا (سيدا دي معناها على طول يعني من غير ما تروح يمين ولا شمال).. سمعت الكلام وطلعت سيدا.. ما هو انا لو ما مش سمعت الكلام بالذوق هاسمعة بطرق تاني.. ههههههه.. وبعدين لقيت الراجل بيقولي انت لازم تشيك في المرايات التلاتة باستمرار اللي على اليمين واللي على الشمال واللي في النص.. قولتلة ازاي يعني أبص على المرايات واسيب الطريق قدامي.. الراجل بصلي بنظرة شرز.. قولتله حاضر.. وفضلت لاوح رقبتي على المرايات والطريق لمدة ساعة.. وطلعت بالعربية على الطريق السريع والراجل طلب اني اسوق على 120 كلم/س وبصراحة كانت السواقة بالسرعة العالية دي ممتعة.. لغاية ما لقيت المدرب راح دايس على الفرامل اللي عنده مرة واحدة وانا اتخضيت.. هو فيه ايه.. بصلي وقال انت مش شايف الإشارة الحمرا قدامك.... آه والله ده فيه اشارة حمرا أهي بجد؟؟؟؟؟ أنا طبعا قولت خلاص مفيش فايدة .. بس الراجل طمني وقال لا ده عادي ده لسة أول درس وانت احسن من غيرك كتيير.. قولت الحمد لله لسه فيه أمل.. المهم محدش يشمت بعدة كدة.. ههههههه
هناك 25 تعليقًا:
السلام عليكم
حمد الله على السلامة
انا كمان بتعلم سواقة
زوجي بيعلمني
ربنا يستر وانفع
ربنا معاك ياريت كمان تحط تجاربك ونصايحك اللي ممكن تفيدني وحضرتك بتدرب
تحياتي ودعواتي بالتوفيق
هههههههههه طي هى مش الاشارة قدامك برضه لونها احمر ولا انت بتقف لما يحطوا لك راجل تخبطه علشان تفهم ان دى اشارة ههههههههههه
انا قولت لك توتوك اخرك ههههههههههه
لا بجد مبروك عليك وخلى بالك وبلاش فى البدايه تجرى الا لما تتمكن من السواقه اوك
عاشقة النقاب
كويس والله انك بتتعلمي السواقة.. بس بلاش انا بالذات اديكي نصايح أحسن بعد كدة الدنيا تبوظ عندك خالص وانا مش مسؤول.. ههههههههه
ودايما منوراني
آبي
الاشارة لونها احمر بس المشكلة اني كنت سايق على سرعة عالية جدا ووببص في المرايات ومش أخدت بالي من الاشارة لما قفلت... وبعدين حتى لو خبطت حد او كسرت الاشارة انا مش بتحمل اي مشكلة المدرب هو اللي بيتحمل.. هههههههه
انا كمان قولت من الأول الواحد اخره يجيب توك توك او عربية كارو..
شكرا لتعليق سموك وتشريفك يا قمر الكواكب
أولا حمد لله على السلامة ونحمد ربنا انك لسة سليم محدش اغتالك او خطفك.. لكن حكاية الاحباطات دي فمش جديدة عليك لانك نكدي من يومك؟؟؟ ههههههههه
ثانيا انا اقترح عليك تجيب من الآخر وتشتري التوك توك بسرعة بدل البهدلة يا ابن الناس.. من اولها هتكسر اشارة حمرا أومال بعدين ناوي تعمل ايه تلبس في شجرة..هههههه
يلا يا سيدي ربنا يوفقك لما نشوف اخرتها ايه حكاية السواقة دي.. والله انا بقيت خايفة على المدرب..هههه
مع خالص تحياتي يا جميل
لا هو احنا نقدر ده حضرتك حتى اذا كنت عايز العربيه بتاعتى اللى ربنا يسهل وتيجي هديهالك ربنا يستر وتطلع عربيه تاني مش حاجه تانيه
تحياتي
هههههههههههه
بجد ضحكتنى
مبروك عليك الرخصه ان شاء الله
بس اول ماقلت ان الراجل فرمل مره واحده
انا قلت بس
يبقى هيضربك
بس الحمد لله طلعت سليمه
خد بالك بقى من المرايات والاشاره فى الامتحان
عايزاك تنجح بتفوق
سلام عليكم
يعني أنا لسة يدوبك هقول مبروك على الرخصة الاقي حوادث ولسة هنتعلم من جديد...عموما مبروك مقدما ان شاء الله تعدي الامتحان ده كمان.....على فكرة أنا كنت بتعلم سواقة من وأنا عندي 14 سنة وياما بابا بهدلني بس بصراحة نسيت كل حاجة من ساعة ماجيت البلد دي......
صحيح حمد الله على السلامة...وشكرا خالص على السؤال عليا بس ياريت تنورني دايما
سماح
بالنسبة لاقتراح التوك توك ما تقلاقيش سموك لسة مطروح كخيار طبعا.. اما بالنسبة للمدرب فأنا وراه لحد ما يبطل التدريب او يسحبو منه العربية في المرور.. هههههههه
منوراني
gigi
ربنا يخليكي يارب ويحميلك عربيتك من كل السواقين الغشمين وعساكر المرور.. هههههه
منوراني يا ست الكل
بندقة
هو من ناحية الضرب كان خلاص على وشك.. ههههههه
ربنا يسمع منك يا رب وانجح واخلص لاني مليت بصراحة من حكاية الرخصة دي
ومنوراني يا أميرة النت
دواير
لسة مش فيه حوادث يا ستي وبلاش تفولي كدة في وشي؟؟؟ هههههههه
بما انك بتسوقي وانتي عندك 14 سنة طيب ما تكسبي فيا ثواب وتعلميني السواقة؟؟
وبعدين هو انتي كنتي بتسوقي فين؟؟ وبلد ايه اللي نسيتي فيها السواقة من ساعة ما جيتيها؟؟؟؟
منوراني سموك
وربنا يوفقك في نتيجة الامتحان
خير والله مش كنت بفول ولا حاجة...
أنا كنت عايشة في الخليج عشان كده اتعلمت السواقة وأنا عندي 14 سنة لكن والحمد لله نسيتها لما جيت اسيوط الحبيييييييييييييييييبة..عشان أصلا مش ممكن افكر أسوق عربية هنا وبالتالي فاللي هعلمه ده أكيد هيكون انسان مضحي بعمره............
شعبيات عم أحمد فواد نجم
أنا مصرى أبن مصرى وليا الشرف
برغم المهانة برغـــــــــــــــم القرف
برغم الزبالة اللى مالية الشــــــوارع
برغم الفســـــــــــاد اللى بيه أعترف
سمو معـــــــــــــــالى رئيس الوزارة
نتيجة موظف بسيـــــــــــــط أنحرف
برغم المجاعة اللى داخلين عليهــــــا
وفينا اللى عـــــــايش حياته فى ترف
برغم البطــــــــالة فى أوضة وصالة
برغم أن أخر جنيـــــــــــــه اتصرف
برغم طـــــــــــابور الصباح السخيف
وكل منايا يادوب كــــــــــــــام رغيف
برغم أسايـــــــــا لمنظر عشايـــــــــــا
وأقول مش مهم يــــــــــا واد نام خفيف
برغم إنى شايف بــــــــــلاوى وساكت
وعايش مطنش كـــــــــــــــــأنى كفيف
برغم وزارة رئيسهـــــــــــــــا حرامي
وشوفوا البجاحـــــــــــــة يقولوا نظيف
برغم الســـــــــــلام اللى غرقت بناسها
برغم العيـــــــال اللى ساكنة الرصيف
برغم حكومة شعـــــــــــــارها الكلام
ورغم رئيسنــــــــــــــــا عليه السلام
ورغم أن كله يــــــــــــــا عالم بيغلى
إلا كرامتى بترخص قــــــــــــــــوام
برغــــــم إنى عايش في بلدى فريسة
ووجبة شهية لبعض اللئـــــــــــــــــام
برغم أن كـــــــــــــل تاريخك يا بلدى
فعهد جنابه كـــــــــــــلام فوق رخام
برغم ده كله يــــــــــــا مصر بحبك
و(..........) فيهم ودا آخر كلام
شعبيات عم أحمد فواد نجم
أنا مصرى أبن مصرى وليا الشرف
برغم المهانة برغـــــــــــــــم القرف
برغم الزبالة اللى مالية الشــــــوارع
برغم الفســـــــــــاد اللى بيه أعترف
سمو معـــــــــــــــالى رئيس الوزارة
نتيجة موظف بسيـــــــــــــط أنحرف
برغم المجاعة اللى داخلين عليهــــــا
وفينا اللى عـــــــايش حياته فى ترف
برغم البطــــــــالة فى أوضة وصالة
برغم أن أخر جنيـــــــــــــه اتصرف
برغم طـــــــــــابور الصباح السخيف
وكل منايا يادوب كــــــــــــــام رغيف
برغم أسايـــــــــا لمنظر عشايـــــــــــا
وأقول مش مهم يــــــــــا واد نام خفيف
برغم إنى شايف بــــــــــلاوى وساكت
وعايش مطنش كـــــــــــــــــأنى كفيف
برغم وزارة رئيسهـــــــــــــــا حرامي
وشوفوا البجاحـــــــــــــة يقولوا نظيف
برغم الســـــــــــلام اللى غرقت بناسها
برغم العيـــــــال اللى ساكنة الرصيف
برغم حكومة شعـــــــــــــارها الكلام
ورغم رئيسنــــــــــــــــا عليه السلام
ورغم أن كله يــــــــــــــا عالم بيغلى
إلا كرامتى بترخص قــــــــــــــــوام
برغــــــم إنى عايش في بلدى فريسة
ووجبة شهية لبعض اللئـــــــــــــــــام
برغم أن كـــــــــــــل تاريخك يا بلدى
فعهد جنابه كـــــــــــــلام فوق رخام
برغم ده كله يــــــــــــا مصر بحبك
و(..........) فيهم ودا آخر كلام
مبروك الرخصة
خد بالك من سواقين المكروباصات
بيسوقوا وهم نامين
المدرب التانى ده
عمل بالمقوله الشائعه
صحبه الراجل بميه ست
بس لو جت الست
يروح الراجل
بس كويس انك لقيت حد يعلمك
وانك كمان نجحت
اهوه فال حلو
احسن من فال السقوط الى بشرتنى بيه فى الترم الاولانى
دواير
عارف انك مش بتفولي انا كنت بهرج بس؟؟ ومادام اتعلمتي في السعودية السواقة يبقى خلاص تعلميني علشان اعرف اخد الرخصة بسرعة؟ واذا كان على عمري فانا مضحي بيه من زمان..ههههه
نهر الحب
سموك تؤمري بس هنا مش فيه سواقين مكروباص.. بس هاخد بالي لما انزل مصر..ههههه
منوراني سموك
نودي
كويس الحمد لله انه المرة دي فال كويس.. خاصة انك لسة راجعة من امتحانات
وانتي وصلك المثل اللي بيقول الراجل بمية ست وان جت الست طظ في مية راجل..ههههههههههه
منوراني ويارب تنجحي في الليسانس
انا المفروض هتعلم سواقة من بعد بكره ان شاء االله
حسه البوست ده يعني جه في وقته
ربنا يستر
ههههههههه
أنت قايل للمدونة بتعتك متقبلش تعليقي ولا ايه ههههههههه دي تاني مرة اعلق ومش الاقي تعليقي نزل خلاص نجرب المرة دي
مبروك على التقدم الهايل ده حقيقي انت خير من يمثل مصر في الامارات بس خد بالك المرة اللي جاية من المدرب ده مش متطمنالو
تحياتي
إسراء حامد
ربنا يوفقك ويوفقنا جميعا في موضوع السواقة
ومنوراني سموك
أيامنا الحلوة
يااااه أخيرا ظهرتي يا شيرين.. وبعدين مالها المدونة بتاعتي لو مضايقكي الغيها خالص.. ههههههه
شكرا يا ستي بس بلاش المبالغة قوي والنفخ ده احسن انفجر.. قال خير من يمثل مصر!!!!!
منوراني بالتأكيد
سلامو عليكم انا قريت كلامكوا بالصدفة على فكرة انا وائل ابوسالم صاحب المركز الوحيد لتعليم السواقة فى اسيوط
وتحت امركم فى اى حاجة بس محدش يرد عليا لانى يمكن ماافتحش المنتدى دة تانى المركز اسمة ابوسالم كار فى اسيوط ش تقسيم البترول 0105490833 0882287686
وتحت امركم فى اى حاجة
إرسال تعليق