جلست مع مجموعة أصدقاء وزملاء في العمل من جنسيات عربية مختلفة، من مصر والسودان والعراق والأردن والإمارات والجزائر، لتناول الغداء في المطعم الخاص بالمؤسسة التي أعمل بها، ودار حوار لمدة تزيد عن النصف ساعة حول الزواج، ولكن أكثر ما لفت انتباهي هو إبداء كل الموجودين على مائدة الطعام (وكلهم باستثنائي أنا متزوجون) آراءً سلبية حول فكرة الزواج، فقد تبارى الجميع في سرد النكات والمواقف التي تحاول إقناعي بخطورة الإقدام أو حتى التفكير في هذه الخطوة.. وإن تم ذلك بشكل مرح وكوميدي.
*****
بدأ أحد الموجودين هذا الحوار بنكتة ظريفة قال فيه إن طفلا ذهب لوالده يسأله: بابا هي الحمير بتتجوز؟؟ فرد الرجل قائلاً يا بني هو فيه حد بيتجوز غير الحمير!!!.. قال آخر إذا كان الزواج شر لابد منه فمن الأفضل أن تؤجله للأسبوع الأخير من حياتك!!! وقال شخص ثالث إن الزواج يجعل الرجل أكثر جبناً وخنوعاً لأن سيفكر مليون مرة قبل أخذ أي قرار خوفا على أولاده وزوجته.. وقال رابع إن الزواج يخلق حالة من التبلد الإدراكي التي تصيب الزوجين بعد السنة الأولى من الزواج، ولحل مشكلة التبلد الإدراكي هذه اقترح الرجل أن تكون مدة عقد الزواج سنة أو سنتين قابلة للتجديد بشرط موافقة الطرفين.. إيجار جديد يعني ..هههههههههه
****
من النكت الظريفة أيضاً التي ذكرت، أن شخص ما ذهب لمستشفى الأمراض العقلية وأثناء مروره بأحد العنابر رأى شخصاً يخبط دماغه في الحائط.. فسأل الممرضة ما مشكلة هذا الرجل.. قالت إنه أحب فتاة ولم يتزوجها.. وفي العنبر المجاور وجد شخص آخر يضرب وجهه ورأسه بالشبشب .. فسألها وده ماله هو الآخر.. قالت: ما هو ده اللي اتجوزها!!!!!!
****
وأثناء كلامي مع أحد هؤلاء حاولت طرح فكرة ما فقلت.. طيب ما هو الواحد ممكن بعد الجواز يأخذ قرار... لم يدعني الرجل أكمل الجملة وقال ضاحكاً.. تاخد إيه .. قرار!!!.. لا انسى الكلمة دي بعد الجواز.. انت آخر قرار هتاخده في حياتك هو قرار الجواز وبعد كدة القرار مش هيكون في ايدك حتى لو كان الظاهر غير كدة!!!
*****
وختم أحد الموجودين الحوار بحكمة على لسان جحا قال فيها: الله يلعن اللي اتجوزو قبل مني واللي اتجوزوا بعد من.. فسألوه الناس ليه بتلعنهم يا جحا؟؟ قال لأن اللي اتجوزوا قبل مني وماقلوليش ..واللي اتجوزوا بعد مني ما سألونيش!!!.. ولكن قبل أن ينفض الجمع تذكر بعض الموجودين أنني لم أتزوج بعد.. فقال أحدهم: بس الجواز فيه ميزة برضة إنه بيخليك تستقر وتروح تلاقي فيه حد مستنيك ومهتم بيك.. غير متعة الأطفال.. الحمد لله فيه ميزة ههههههههههه!!
هناك 37 تعليقًا:
آه وآه وآه منكم انتوا يارجاله
تقتلوا القتيل وتمشوا فى جنازته؟؟؟
والله ما حدش ظلمهم غيركم انتوا يا رجاله
واكبر دليل على كده الصوره اللى انتا منزلها ومنوره الموضوع وشاهده على كدبكم شوفها كده كويس ههههههه
يلا ربنا يسعدك وتتجوز زوجه صالحه تريحك
تحياتى وتقبل مرورى
اتقي الله فيما تبثه للعالم
ان الزواج متعة وخلق ودين واجمل ما فيه و يعيد الذكريات الجميلة فيه هو الشجار اللطيف وليس ما وضعته في الصورة يا استاذنا الفاضل ان احببت ما تتزوجه سوف يدوم الحب وليس سنة واتنين وينتهي
اماعن الفتور بين الزوجين فهذا من صنع من يريد العيش به
شكراً
مسخرة
والله عالم سكر
بص اراهنك لو واحد منهم عيشتوا لوحدوا من غير مراتو اسبوع هيقول حقي برقبتي
هيا اللي بتغسلوا و بتأكلوا
ولما بيزعل بتصرخ في وشو قصدي بتطبطب عليه
مش كل الزيجات وحشة
أومال ليه هما مستحملينها
ماهو الطلاق موجود
متقوليش عشان الولاد
العشرة حلوة
تلاقي حد معاك يناكف فيك و يريحك ترغي معاه و يرغي معاك كدة
ربنا يرزق كل شباب المسلمين الزوجات الصالحات و يرزق كل بنات المسلمين الازواج الصالحة
دمت سالم
سلامون عليك
طيب وبم ان كل الناس بتقول رايها فاسمحلي انا اقول رايي...الصورة السيئة اللي الناس واخداها عن الجواز دي ضمن صور تانية كتير سيئة الناس واخداها عن حجات كويسة.....
بس في موضوع الجواز ده فالناس واضح انها نسيت ان ربنا سبحانه وتعالى قال (ومن آياته أن خلق لكم من أنفسكم أزواجًا لتسكنوا إليها وجعل بينكم مودة ورحمة إن في ذلك لآيات لقوم يتفكرون)...يعني الجواز مش خطا ولا كارثة ولا ضعف زي ما الناش شايفة....وبيتهيالي ان المشلكة مش في الجواز....لكن المشطلة في اللي بيتجوزا واللي مش بيعرفوا يتعاملوا مع الجواز على انه شيئ مقدس مع انك طول الوقت تسمع كلمة (يكمل نص دينه) واللي انا مش فاهماه ازاي الناس بتكمل نص دينها بانها تغضب ربنا بالاساءة لقدسية الزواج.....يعني الموضوع محتاج كتير بس زي ماقلت دي واحدة من الاخطاء المعتادة في حياتنا
والله نفس الكلام بيتقال للبنات كل واحدة تتجوز تودود لصحبتها للي لسه متجوزتش وتنصحها النصيحة دي اوعي تستعجلي على الجواز هتندمي عيشي حياتك قبل ما يجي حد ينكد عليكي وووووووو ..... يعني الحمد لله الواحد بيتعقد وعلى راي جدتي الله يرحمها الجواز زي البطيخة ياتطلع حمراء ياتطلع قرعة ههههههههههه
ربنا يصلحلك الحال ويرزقك الزوجة الصالحة
تحياتي
بصراحة انا رايي ان اللي هيعرف يدير بيته كويس واللي هيعامل مراته و ولاده معاملة حسنة هيعيش سعيدو لو ما عشش سعيد بعد ما يعمل كده يبقى يا ماتقنش
الخطة ياما مراتواهي بطبيعتها و مش كويسة يا اما المشكلة مش في الجواز اساسا
و ممكن تكون حالة نفسية
تحياتي
لو حبيتها وكنت لها محمدا بعون الله ستكون لك خديجة
تحيتي
نور أحمد
أنا مش فاهم بصراحة عملت ايه يخليكي تقولي اتقي الله فيما تبثه.. انا مش ناشر افلام دعارة ولا صور سكس للناس تتفرج عليها.. انا مجرد طرحت قضية جدية وهي ان معظم الازواج بيعانو بعد الزواج مش عارف ليه وعلشان كدة طرحت الموضوع للنقاش خاصة اني شوفت ان بقى ظاهرة عامة.. وقولت اللي الناس بتقوله..
ايه كفرت يعني علشان عملت كدة؟؟؟؟؟
فعلا تعليق غريب بس قررت اني انشره وارد عليه
نعكشة:
متفق معاكي طبعا في كل اللي بتقوليه.. الجواز ليه مزايا كدة أقلها ان الواحد يلاقي حد جنبه بدل ما هو قاعد يتكلم مع الحيطان.. وان المشاكل البسيطة هي ملح الجواز.. بس اللي انا قصدته هو مناقشة ليه الأزواج بيشعروا بكدة بعد الجواز بفترة.. مين المسؤول!!!
ربنا يرزق كل شباب المسلمين الزوجات الصالحات و يرزق كل بنات المسلمين الازواج الصالحيين.. آمين
دواير
متفق معاكي ان الجواز لازم يكون ليه قدسية خاصة.. وان نجاح الجواز وفشلة يتوقف على المتزوجين نفسهم سواء رجل او امرأة
بس واضح ان فيه فعلا حلقة مفقودة في النص او مشكلة بدليل الاجماع ده بين الناس اللي اتكلموا على رتابة وملل الجواز خاصة ان فيهم ناس متجوزين بقالهم عشرة وعشرين سنة.. المشكلة ازاي نفكر نجدد الحياة من وقت للتاني
منوراني
أيامنا الحلوة
هو المشكلة عند البنات كمان.. طيب الكلام ده يرد على الانتقادات اللي فاتت ويؤكد ان فيه فعلا مشكلة بتحصل بعد الجواز سواء الجواز ده تم عن حب او من غيره.. بس ايه السبب؟؟ هل فعلا التبلد الادراكي؟؟
عامة احنا مفيش حاجة تعقدنا انشاء الله وهنكمل نص دينا واللي فيها فيها!!ههههههه
منوراني يا جميل
عاشقة الحب
انا متفق معاكي ان الازواج عليهم مسؤولية كبيرة في ان الجواز ينجح.. بس ده ما يمنعش ان فيه حاجات بتكون لا اراديه خاصة بعد ما الحياة تتحول وتبقى مملة وروتينية
منوراني في زيارتك الاولي وانشاء الله مش تكون الاخيرة
نونو
اولا مبروك تغيير اسم المدونة بس ليه بقت نونو؟؟؟؟؟
ثانيا انا متفق معاكي في اللي قولتيه
ودايما منوراني
هو مثل واحد ينطبق عليكم يا صنف الرجاله
اخيه عليه نفسى فيه
الواحد منك يفضل حلم حياته يتجوز ويستقر
وبعد الجواز يقول العزوبيه احلى
ولو بعد عنها شهر يقول حبيبتى وحشتينى
الراجل من غير ست زى الموبايل من غير بطاريه ما ينفعش تشغله
انما الست من غير راجل زى الموبايل من غير رصيد
ممكن تشغله نغمات وكشاف واله حاسبه
تحياتى
في حب مصر
الزواج في كتابه الكريم كنعمة منه وفضل على عباده،
وقد تعددت الآيات القرآنية المتعلقة بالزواج
[ يا أيها الناس اتقوا ربكم الذي خلقكم من نفس واحدة، وخلق منها زوجها، وبث منهما رجالا كثيرا ونساء، واتقوا الله الذي تساءلون به والأرحام، إن الله كان عليكم رقيبا ]
[ ومن آياته أن خلق لكم من أنفسكم أزواجا لتسكنوا إليها، وجعل بينكم مودة ورحمة إن في ذلك لآيات لقوم يتفكرون ]
الله أعظم من أن يخلق لكل امرئ زوجا له يسكن إليه ويحمل عنـه هموم الحياة ويواسيـه، ويشد من أزره في مـودة ورحمة
والزواج هو خط فاصل وعميق في مشوار الحياة، بل هو أهم أحداث الحياة
و لكى تكسب المرأة كن حليماً فى الاستماع إلى كلماتها ، حالماً فى الحديث
إليها
ويريد الرجل من المرأة أن تفهمه .. وتريد هى منه أن يحبها . وهذا هو
منشأ الخلاف بين كل زوجين.
وعايزة اقول حاجة اخيرة
الرجل رجل فى كل مكان وزمان
وان القرار قرارة وبيبقى بى مزاجة
على العموم موضوعك جميل جدا ومهم
معلش طولت عليك
ربنا يرزقك الزوجة الصالحة
الاتفهمك والا تحبها
تحباتى لك
بنت النيل
مممممم
مين المسئول
سؤال وجيه
في الحقيقة بما إني متجوزتش
بس أنا شيفة لااتنين مسؤولين
يعني بحس إن الواحد اول ما بيتجوز واحدة
خلاص بقة
عرف انها موجودة
ولازقالوا في اي وقت
وقت ما يحتاجها يحن عليها و باقي الاوقات عايز يعيش اكنوا لسة عازب
وهيا اول ما بتتجوز بتحس إنو خلاص مفيش إلا الراجل دة
هتشكي لمين يعني غيرو
فتكلبش فيه لحد ما تخنقوا و تطلع زمارة رقبتوا
فبيكون كل واحد قرفان من الدنيا ومن الجواز
أنا شايفة لو الراجل تنازل شوية و حن عليها وهوه محتاجلها وهوه مش محتاجلها
ولو حتي بكلمة رقيقة
الله الاكل انهاردة جميل قوي تسلم إيدك ( والله ما هتكلفوا حاجة) بس هتطيرها من السعادة
وهيا كمان متفقعلوش مرارتوا بمشاكلها مع الجيران
ومع البقال و البواب
وتكلموا ف يالحاجات المهمة
وتتغاضي عن الباقي
إلا لو قاعدين يتسامروا بقة و يقطعوا في فروة الناس ( مادام بياخدو ذنوب يقضوها بقة و يفرجوا عن نفسهم )
بهرج بهرج
عامتاً الموضوع محتاج تعاون
واحد يكبر و يقول كلام حلو ف يمعظم الاوقات
وواحدة متخنقش علي الراجل
وربنا يستر بقة
سلامون عليك
بنت النيل
اولا منوراني في اول تشريف ليكي لمدونتي البسيطة!!
بجد تعليقك جميل جدا وانا متفق معاه جملة وتفصيلا..
وعجبتني قوي الجملة دي: لكى تكسب المرأة كن حليماً فى الاستماع إلى كلماتها ، حالماً فى الحديث إليها
تحياتي
نودي
بجد ضحكتيني كتير وحلو موت التشبيه بتاعك
الراجل من غير ست زى الموبايل من غير بطاريه ما ينفعش تشغله انما الست من غير راجل زى الموبايل من غير رصيد ممكن تشغله نغمات وكشاف واله حاسبه ..هههههههههه
بس على فكرة المشكلة مش بس عند الرجال كمان عند الستات.. تلاقيهم دايما بيشتكو بعد الجواز ويبقوا هيموتو على الجواز قبلها..
تقبلي تحياتي يا منصورية
نعكشة
تعرفي رغم انك مش اتجوزتي لكن تحليلك للمشكلة صح تماما وهو ده فعلا اللي بسمعه من الناس اللي اتكلموا في مشاكل الجواز..
الموضوع قعلا محتاج تعاون وتفاهم من الطرفين.. ومحتاج واحد يشد وواحد يرخي علشان المركب تمشي.. ومحتاج كمان نوع من التجديد المستمر للحياة والبعد عن الروتين والملل..
ربنا يوفقك يا خبيرة المشكلات الزوجية..هههههه
تحياتي
الجواز ؟؟؟؟ والله الجواز دة بطيخة يا اما تطلع حمرا يا اما راحت عليك يا حلو
يعني افتح باب اريد حلا
و كل ما حد يكلمني
اقولوا واخدة شهادة من في حب مصر
لوووووووووول
دمت سالم
سلامون عليك
هو الجواز كدة حاجة بتفرحنا فى الأول بعد كدة بنشيل همها على دماغنا
يعنى جزء من الأمانة اللى إتعرضت علينا وحملناها بمزاجنا.
بس ما يمنعش انك هاتتجوز وهاتعيش حياتك زى اللى سبقوك
ربنا يوفقك
نحكشة
هو ايه سلامون ده
يعنى ارد أقول ايه
يععععع
السلام عليكم ورحمة الله وبركاته
بما ان دي اول زيارة فأنا هعلق على المدونة كلها اللي قعدت اقرأ فيها من الاول للآخر هههههههه مدونة روحها خفيفة ولذيذة قوي (بمناسبة بوست الطبخ )ومواضيعها منوعة ... اتمنى لك التوفيق وان شاء الله اتمنى ابقى متابعه على طول ...تحياتي
اول زياره
والله هو شر لابد منه
هههههههههههههه
طبعا بهزر
المهم التوافق فى كل شىء حتى يحقق الطرفين النجاح المطلوب منهم
تحيات بهيه
انجي
ربنا يستر ما تطلعش قرعة معايا..هههههههه
منوراني سموك
نعكشة
موافق على فكرة انك تفتحي باب اريد حلا واكون انا المسنشار العوائلي بتاعك.. ههههههههه بس طبعا ليا 90% من ارباح المشروع.. آه الخبرة مش بالساهل.
منوراني سموك
وعليكم السلامون!!
مع إصراري
منورني في اول مشاركة ليكي في المدونة بتاعتي وانشاء الله مش تكون الاخيرة
هو فعلا كدة اوله حلو واخره يعلم الله..ههههه
تحياتي
أمل
بما ان دي اول زيارك ليكي لمدونتي
فانتي اكيد شرفتيها بزيارتك وانشاء الله مش تكون الأخيرة
وتشكرات كتير لسموك على الكلمات الجميلة دي
تحياتي
غني يا بهية
منورني في اول زيارة بجد
وهو فعلا شر لابد منه
والتوافق شيئ اساسي لنجاحه
تحياتي
والله اصحابك دول سكر جداااا وانتى اسلوبك فى سرد الحكاية حلو ومشوق
عشرة على عشرة
نسيت اقولك انى مبطلتش ضحك على اصحابك
ربنا يكون فى عونهم
اد اية حلو اوى احساس الخوف دة
شوقتونى لجواز هههههههههه
والله سيادتك اللى شرفتنى بدخولك مدونتى المتواضعة
ربنا يكرمك بجد على رفعك لمعنوياتى
نونو
ربنا يخليكي يارب على كلامك الجميل.. ويوفقك للزوج الصالح انشاء الله
تحياتي
تصور انا طلعت روحى عشان اعرف اعلق فى النافذة المنبثقة دى
دى عذاب بس ولا يهمك موضوعك عجبنى جدا
بس انا عايزة اعرف حاجة الرجالة تقوللك هما مش بيبقى ليهم راى والستات تقولك هما مش بيبقى ليهم راى امال راى مين اللى بيمشى عايزة اعرف
وخد بالك فى ناس كتير متجوزين حتى لو سعداء مش بيقولوا ال يعنى عشان الحسد
وكمان الراجل بالذات لو مش سعيد هيطفش او يعنى بيسيب مراتة مش بيستحمل
اوعى تسمع كلامهم انا اه مش مجربة بس كل قاعدة ليها شواذ ويمكن يعنى تكون انت من مش من القاعدة دية
وتحياتى
إرسال تعليق