رغم اني مش بحب أتكلم عن شغلي أو اللي بيحصل فيه، لكن معلش هاضطر أكسر القاعدة المرة دي لأن الموقف اللي حصل يستحق نكسر القاعدة علشانه، الموضوع باختصار اني كنت بتفرج على بعض القنوات الإخبارية في التليفزيون وبتابع اللي بيحصل في لبنان، واستفزني جدا اللي شوفته خاصة من حزب الله اللبناني اللي قواته وميليشياته احتلت بيروت وقطعت الطرق باستخدام السلاح، ورغم اني كنت يوم أجازة من الشغل لكني قررت أكتب موضوع عن الأحداث دي كلها، وطبعا الموضوع كان كله انتقادات لحزب الله، قولت فيه ان السلاح بتاعه فقد الشرعية وانه مبقاش سلاح مقاومة وان قواته بقت عاملة زي الميليشيات اللي في العراق..إلخ. والموضوع اتنشر على موقع المؤسسة اللي انا بشتغل فيها.
****
المهم بعد دقايق من نشر الموضوع اتصل واحد زميل لي في الشغل (باحث لبناني في الإدارة الاستراتيجية) وأبدى إعجاب غير طبيعي بالموضوع وعرض انه ياخد الموضوع معاه البيت يسهر عليه ويترجمة علشان يتنشر على الصفحة الانجليزية للموقع بسرعة، وفعلا اخد الموضوع وترجمه واتنشر تاني يوم. وبعد ما رجعت البيت اتصل زميل تاني انتقد الموضوع وقال إنه أسوأ موضوع انا كتبته من يوم ما جيت هنا، واتهمني بعدم الموضوعية والانحياز ضد حزب الله اللي بيدافع عن كرامة العرب والمسلمين، واني بكرر نفس كلام أمريكا وإسرائيل اللي عايزين يدمروا الحزب.. قلت عادي كل واحد شايف الموضوع من زاويته هو .. وبعدين اتصل كذا واحد وقالوا رأيهم وكانو طبعا منقسمين واحد مؤيد والتاني معارض حسب موقف كل واحد من حزب الله وإيران.
****
لكن الغريب بقى ان أحد زملائي في العمل وهو باحث برضه بس كبير في السن (فوق الخمسين سنة) حذرني وقال: انت كدة دخلت عش الدبابير ومش بعيد تتعرض للاستهداف من حزب الله وإيران، وممكن يعتبروك عميل أمريكي!!!! (يا نهار مش فايت هي وصلت للقتل والعمالة ههههههه) طبعا أنا ضحكت جدا وعدى الموضوع..
****
تاني يوم وانا في الشغل جالي تليفون من واحد قال انه تبع السفارة الاسترالية وقال ان نائبة السفير الاسترالي في أبوظبي عزماني على فنجان قهوة في اي وقت أنا أحدده علشان تتناقش معايا في الموضوع... أنا سألته هو فيه ايه بالظبط.. قال انها قرت الموضوع بتاع لبنان وعجبها وعايزة تتناقش معاك فيه!!! انا طبعا اعتذرت وقولتله انا مقدرش اجتمع مع أي حد على مستوى رسمي الا بعد موافقة المؤسسة اللي انا فيها وحولته على المسؤولين عني علشان يتفاهموا مع بعض.. المهم لما الباحث زميلي ده عرف حكاية السفارة اعتبرها دليل على مساعي السفارة الاسترالية (ومن وراها الأمريكية) لتجنيدي لحسابهم..ههههههههه.. وفيه واحد تاني تفتق ذهنه عن خطر كبير وهو ان السفارة الايرانية في الامارات ممكن تاخد بالها وتقرأ الموضوع ويحطوني في دماغهم، وانتو بقى عارفين يعني ايه أحمدي نجاد يحطني في دماغه..هههههههه
****
أنا بحكي القصة دي كلها بصراحة علشان أوضح حاجة صغيرة هي ان ازاي الناس (وخاصة المصريين) بيحبوا يضخموا الأمور ويحطو سيناريوهات مستحيلة وبيصدقوها.. وازاي كمان انهم مش بيتقبلو الرأي الآخر، جايز انا عندي رأي مختلف عن رأي أي حد .. عادي جدا.. وكمان مش معنى ان رأيي يتفق مع رأي أمريكا أو استراليا في بعض المواقف يبقى خلاص بقيت بعبر عنهم وعميل ليهم بالعكس انا كتبت موضوعات كتير عن أمريكا وكلها تقريبا انتقادات وشتايم ليها ولسياستها.. الموضوع باختصار مسألة رأي جايز يكون صح وجايز يكون غلط.. لكنه مش عمالة ولا تخوين طبعا..ههههههههههههههه..
***
هناك 33 تعليقًا:
ههههههههههههه فى كل مكان وحياتك
يعنى اقولك انا مرة كان فيه حادثه لظابط المهم رحت المكان وعرفت انه مش هو اللى ضرب والقصه كبيرة وان واحد سواق اتخانق مع واحد تانى
وحكيت للناس هتلاقيها فى اول بوستاتى
المهم بقى بعض المدونين طلعوا عليا انى مع الامن هههههههههه اه والله حاجه غريبه يعنى مثلا لو هاجمت الاخوان تبقى امن لو هاجمت الامن تبقى اخوان
لو مهجمتش ده وده تبقى انت ممول من بره
او سلبى مصايب فده عادى ومش قصه بيضخموا بس احنا مش عارفين نتقبل الاخر ولا راى مخالف لينا
أولا احترم فيك كسرك للقاعدة وانك اتكلمت عن شغلك عشان نعرف انك كاتب جامد اوي كده والسفارة الاسترالية بتستدعيك .... بس انت ليه مش نزلت موضوعك او تحط لينك مش عايزنا نقرالك ولا ايه ياريت تنزله
ثانيا موضوع ميلشيات حزب الله واللي حصل في لبنان ده أكيد شئ مستفز بس تصدق انا مش صعبان عليا اللبنانيين انا صعبان عليا الحكومة نفسها..
وحكاية انك عميل امريكي دي مش تقلق عليها بكره اكتب عن متمردي دارفور وأنت هتبقى عميل سوداني ....
ربنا يسترها علينا جميعا
تحياتي
السلام عليكم
ازيك يا عميل..ههههههههههه
أنا مش كنت تنبأت ليك انك هتبقى من الكتاب المشهورين في العالم العربي.. اديك اهو قربت توصل لكدة يا عم.. وانت بصراحة تستحتق لان اسلوبك في الكتابة جميل جدا حتى من ايام الجامعة.
ربنا يوفقك يا عم
وما يهمكش من اي انتقادات
انجي
اوعي تكون نستني يا لمض
يا نهارك مش فايت
انت مش كنت من المعجبين بحزب الله وحسن نصرالله، وكنت بتقول عليه عبد الناصر التاني؟؟؟؟؟؟؟ ايه اللي غيرك كدة
بقى يا راجل خلال سنة وسنة بس في الإمارات تغير أفكارك كدة امال بعد خمس سنين هتعمل ايه..هههههههه
انا عن نفسي مع حزب الله في كل اللي عمله مش هما اللي عمال يستفزو فيه.
ومع ذلك مش هاتهمك يا عم لاني عرفاك انسان صاحب مبادئ ورأي
appy
كويس ان فيه ناس متفقة معايا في مسألة عدم تقبل الرأي الآخر
بس تعرفي عجبتني جدا جملة
لو هاجمت الاخوان تبقى امن لو هاجمت الامن تبقى اخوان لو مهجمتش ده وده تبقى انت ممول من بره او سلبى
بصراحة دي لخصت القصة كلها هههههههههه
دايما منوراني يا قمر
أيامنا الحلوة
ازيك يا شيرين عاملة ايه يا رب تكوني بخير
انا يا ستي مش وانك اتكلمت عن شغلك عشان كاتب جامدولا حاجة وبعدين انا اروح فين فيكي وانت اسمك منور جوجل كله
حكاية اللينك دي نفكر فيها طبعا
انتي عارفة اهمية سياسة التعتيم الاعلامي خاصة بعد ما بقيت مستهدف..ههههههههههه
انا ممكن ابعتلك اللينك بس مقابل انك تبعتيلي اللينك اللي فيه السيرة الذاتية بتاعتك...موافقة
وبعدين مالها السودان ده احسن حاجة يبقى الواحد عميل للسودان ويروح يشتغل في تشاد ويعيش مع قوات الجنجاويد.. ههههههه
منوراني دايما يا شيري
وشكرا على مدخلتك الجميلة
انجي اللمضة
يااااااااااااااااه فينك يا بنتي
من ساعة ما اتجوزتي ولا حس ولا خبر
يا ترى ايه اللي فكرك بيا دلوقت وانتي اصلا جبتي عنوان المدونة من مين؟؟؟؟؟؟؟؟؟؟؟؟؟؟؟؟
هو انتي ليكي عملاء هنا ولا ايه..ههههههه
اكتبي طمنيني على اخبارك وحياتك
تعرفي لولا كلمة لمض اللي في الآخر مكنتش عرفتك طبعا
سماح
أولا يا ستي أنا مغيرتش رأيي ولا حاجة بس اللي حصل هو اللي استفزني يعني كنت بتفرج ولا كأني شايف القوات الإسرائيلية دخلت بيروت مش حزب الله
زمان الحزب كان فعلا بيدافع عن لبنان والعرب بس دلوقت بقى بينفذ تعليمات ايران بشكل وحش قوي يعني من الاخر عميل ايراني.. عايواني اشيد بيه على ايه
وشكرا على تشريفك يا جميل
ياسلااااااااااااام
يعنى انا كل يوم ادخل اشوف انت كتبت ولا لسه
وامبارح دخلت مالقتش حاجه
اجى النهارده الاقيك كتبت وكمان 8 تعليقات
حد يكتب بوست باليل كده
اشوفه انا امتى يعنى
انا كنت عايزه الحق اول تعليق
اتفضل بقى نزله فى جرنال المساء عشان الحقه انا الاول
بس خلاص
كنت بحجز مكان وهاروح بقى اقرا البوست
:)
سلام
بندقة
استني عليا بس اخلص ضحك وبعدين ارد عليكي...
والله دمك شربات ههههههه
وبعدين انا هاعتبرك اول تعليق يا ستي ولا تزعلي
حكاية اني كتبت بالليل دي مقصودة طبعا علشان أجهزة المخابرات اللي بتترصدني
هههههههههههه
منوراني يا أميرة النت
السلام عليكم
ده الموضوع طلع كبير وخطير قوي .. ليك حق تعمل تعتيم إعلامي وتحجب اسمك وكتاباتك .. طب مش تقوللي عشان اعمل زيك .. سايبني حاطة لينكاتي على المدونة ..
المرة الجاية لازم نكتب التعليق بالشفرة أو نستورد حبر سري
على الطريق
ازيك يا أميرة عاملة ايه واخبار محيط ايه؟؟؟؟؟؟؟
شوفتي الموضوع خطير ازاي مفروض انا بقى اكتب وصيتي مش انتي؟؟؟؟هههههههه
وبعدين سياسة التعتيم الاعلامي فشلت خلاص... شيرين كشفت كل حاجة واكتشفت اني عميل فاشل..ههههههههه
فانت ممكن بقى تاخدي منها اللينك
حلوة حكاية الحبر السري دي، الواحد لازم يفكر فيها بصراحة، وانا مستعد أوردلك حبر سري باسعار رخيصة قوي ونوعيته ممتازة ايه رأيك؟؟ العلبة ب 100 دولار بس؟؟؟
على فكرة انا بشوف اللينكات اللي انتي حاطاها عندك وبتابعها
منوراني دايما يا أميرة
واحد مصرىشغال فى فرز اللجان الإنتخابية...فو احد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة احنا بنسيبها على ربنا ...احنا نرمى الورقة بتاعة الناخب فى الهوا...لو نزلت على وشها أو ضهرها يبقى وطنى...ولو نزلت على سنها يبقى اخوان
مدرس ابتدائى سأل أحد الطلاب
طير بيتكلم وأول حرف منه الباء ؟
فرد عليه الطالب وبسرعه : الببغاء
فقال : ممتاز . اسمك اية؟
فرد : أحمد
سأله المدرس: أبوك بيشتغل اية؟
رد الطالب : دكتور
فقال المدرس : شايفين ولاد الدكاتره ؟
راح المدرس سأل سؤال ثاني : حيوان بطيء وأول حرف في اسمه السين ؟
فرد أحد الطلاب : سلحفاة
يرد المدرس : ممتاز .. اسمك أية؟
فقال : وائل
أبوك بيشتغل اية؟
رد الطالب : مهندس
فقال المدرس : شايفين ولاد المهندسين
بعدها سأل المدرس السؤال الثالث : طائر له جناحين ... ما هو ؟
فرد أحد الطلاب و بسرعه : تمساح
فيقول المدرس : شايفين الغبي دة
اسمك أية ياغبي؟
ردالطالب : حبيب
أبوك يشتغل أية ياغبي؟
رد الطالب : لواء امن دولة
ردالمدرس : بص يا حبيبي هو التمساح بيطير بس مش كتير ولو شد حيله حيطير على طول
عجبني أوي ردك علي نائبة السفير أما قولتيلها اشوف اذا كان ينفع ولا لا
وبعدين كل النا س زي الفل وكل الناس حلوه وجميله وانا مش تبع حد انا تبع نفسي وربنا انا جايه بس اعلقك عند عم الحج ده وماشيه علي طوووول وربنا
أنا جيبتلك طبق الكوسه بس وانا جايه ادلق مني هرووح اجيبلك واحد تاني وارجع.
علي فكره اسلوبك ماشاء الله سهل ويتفهم بسرعه يلا بقي ان شاالله محد حوش
يلا سلام
قالت صحيفة التايمز أن إتفاق الأطراف اللبنانية في الدوحة توضح الحقيقة الصارخة " أن ميلشيا حزب الله تمسك بتوازن القوى في لبنان، سياسيا وعسكريا". وتستعرض الصحيفة بنود الاتفاق والذي اتفقت فيه الاكثرية والمعارضة على تشكيل حكومة وحدة وطنية من 30 وزيرا 16 للأكثرية النيابية و 11 للمعارضة و3 لرئيس الجمهورية.
وهذه الصيغة تمنح المعارضة الثلث الضامن او المعطل والذي يمنحها حق الفيتو على اي قرار لا توافق عليه. وتنوه الصحيفة الى ان الحكومة وفريق 14 مارس/ اذار كانت تصر في السابق على رفض هذا المطلب تماما وهو ما مثل عقبة رئيسية في الازمة السياسية التي خيمت على لبنان منذ نوفمبر/ تشرين الثاني 2006 عندما انسحب وزراء المعارضة من الحكومة.
وتصف الصحيفة هذه الخطوة من جانب الحكومة بانها اكبر تنازل قدمته للمعارضة حيث ان من شأن ذلك ضمان عدم حدوث اي خطوة تتعلق بنزع سلاح حزب الله. وتقول التايمز ان الحسم العسكري الذي اظهره حزب الله ضد الجماعات السنية خلال معارك الشوارع في بيروت انتج ردة فعل سيئة داخل المجتمع السني اللبناني- تتصف " بالغضب والخزي والخوف".
تمام تمام...بس إيه الأخبار المدونة دي متراقبة ولا أطمن...يلا مش مشكلة اهو الواحد يرتاح من الامتحانات...
المهم معلش اعذرني عشان هتقل عليك وارغي كتير كالعادة...
أولا ..بالنسبة لحكاية انك مش بتحب تتكلم عن شغلك..ليه!!!بالعكس دي حاجة جميلة..بس هو أنا كان نفسي أعرف يعني ايه باحث سياسي؟؟!!عشان أنا في الأول كنت فاكرة انه معناه أستاذ في سياسة واقتصاد..لكن شكله مش كده.....
ثانيا...بالنسبة لموضوع حزب الله واللي بيحصل في لبنان...صحيح الواحد كان مدايقه اللي بيحصل وكنت كل شوية أقول يعني هم حزب الله ما كانوش قادرين يصبروا شوية....دي مهما كان بلدهم واللي بيموتوا دول أهلهم...مع ان المستقبل و14 آذار زودوها أوي.....لكن برضه ومهما حصل مش ممكن أقتنع إن حزب الله عملاء لايران زي ما قلت.....وبعدين مش حضرتك قلت انه الناس بتحب تضخم الامور ويعملوا سيناريوهات ويصدقوها...وزعلك ان الناس فكرت انك ممكن تكون عميل امريكاني عشان مقالك...طيب يه بنفترض ان حزب الله عميل ايراني؟؟...عارفة ان الرد الطبيعي هيكون اننا مش بنلعب دي سياسة..بس انا بتكلم عموما عشان مش ممكن اصدق ان حزب الله يبقوا عملاء ايرانيين....
ومع ذلك وبعد كل الدوشة دي أقدر أقولك ان شعوري ورايي ناحية اللي حصل في لبنان اليومين اللي فاتوا دول...بيتلخص في كلمات قالتها سلام خضر مراسلة الجزيرة في تقرير ليهاأيام الأحداث دي بتقول فيه:(أطراف متعددة كل منها يواجه الآخر في معركة لن يخرج منها أحد منهم منتصرا...وهاهو لبنان يصرخ بينهم :أنقذوني من عقوق أبنائي....
..........وربنا يكون في العون...
.......معلش على الرغي الكتير بس موضوعك يستحق المناقشة...
فنانة مفروسة
أولا انا ما قولتش هاشوف اذا كان ينفع ولا لا انا قولت انا مقدرش اجتمع مع أي حد على مستوى رسمي الا بعد موافقة المؤسسة اللي انا فيها وحولته على المسؤولين عني علشان يتفاهموا مع بعض.
وبعدين ما تخافيش المدونة مش متراقبة يعني عبري عن نفسك بحرية؟؟؟هههه
انا بقالي تلات ايام دلوقت مستني طبق الكوسة ولسة ما جاش؟؟ كدة هاموت من الجوع؟؟؟؟؟؟؟؟
منوراني بجد
دواير
ازيك يا إسراء
عاملة ايه في المذاكرة والامتحانات؟؟
اولا يا ستي المدونة مش متراقبة وما تخافيش؟؟هههههههههه
كلمة باحث سياسي معناها الشخص اللي بيعمل في مجال البحث السياسي، يعني يكتب دراسات وأبحاث سياسية، وبما اني كنت مدير تحرير مجلة سياسية ودلوقت بشتغل في مركز أبحاث استراتيجي في الامارات يبقى انا باحث سياسي. وكمان انا خريج كلية اقتصاد وعلوم سياسية، علشان تبقى الامور كلها مسيسة في بعضها؟؟؟
ثالثاا بقى بخصوص حزب الله، فأنا مش كنت بدافع عن قوى 14 آذار، بالعكس كلهم اصلا عملا وبيشتغلوا لحساب ناس تانيين، يعني 14 اذار تابعين للسعودية وامريكا، وحزب الله تابع لايران، بس انا كنت بقول ان استخدام السلاح ضد اللبنانيين اكبر خطلأ وقع فيه حزب الله وكشف فعلا انه مجرد ميليشيا بتنفذ اللي بتطلب منها من ايران. وعلشان تعرفي ان الحزب عميل لايران كفاية تعرفي ان ايران هي اللي أنشأت الحزب وهي اللي لغاية دلوقت بتموله بالسلاح والفلوس؟؟ وده مش لله، لان مفيش حاجة في السياسة لله؟
وربنا معاكي وتنجحي بتقدير كبيييييير يا رب
انا طبعا مش معاك فى كلامك بس منحقك تقول رايك ومحدش يخونك
وطبعا لولا ما فعله حزب الله ماكانت القضيه حلت النهارده
كان لازم يقابل التكالب على سلاح المقاومه بعنف وبحزم
عشان كل الناس تعرف ان مش سهل
نزع سلاح المقاومه ويعرفهم هو ممكن يعمل ايه وكمان لاحظ استخدامه للسلاح كان فى اضيق الحدود ولعلمك الامكانيات التى لدى حزب الله لو كانت بايدى احد اخر فى لبنان لحدثت مجزره
تحياتى
ابوالعربى
أبو العربي
الاختلاف في الرأي لا يفسد للود قضية، بس انا ضد تماما استخدام السلاح جوة لبنان، وبعتبر الخطأ ده لا يغتفر من حزب الله..
ومرة تاني انا مش بأيد اللي عملته قوى 14 أذار لانهم هما كمان بيشتغلوا لجهات خارجية، بس انا ضد اللي عمل حزب الله وبعتقد انه ضيع جزء كبير من شرعية السلام والمقاومة كلها.
ودايما منورني يا ابو العربي
ياااااااااااه اخيرا حد معايا فى اعتراضي على حزب الله انا طبعا كنت معاهم لما كانوا ضد اسرائيل
بس لما يعملوا فتنه فى بلدهم يبقى لا والف ل لكل واحد يعمل فى فتنه فى بلادنا
السلام عليكم
ايه يا عم فيتنك
بقالك فترة طويلة مش بتكتب حاجة
اوعى يكونوا يغتالوك بجد؟؟هههههههه
gigi
عندك حق وانا معاكي في رفض فكرة استخدام السلام واثارة الفتن داخل الدول؟
ومنوراني بالتأكيد
سماح
ازي سموك عاملة ايه
يارب تكوني بخير
وشكرا على سؤالك
بس شوية مشغوليات مع حالة سد نفس
وانشاء الله ارجع بسرعة تاني
منوراني دايما
انت اتكلمتفى موضوع مهم جدا جدا ...
بجد ده اللى انا لاحظته من ساعة مدخلت عالم التدوين ..ان مفيش ثقافة حوار لدى معظم الناس ..ومعندهمش حاجة اسمها الرأى الاخر أصلا..
اما بالنسبة للتهويل ..وتكبير المواضيع ..فده عادى جدا ..وانا شايفة ان سببه ان فيه تعتيم على كل الحقايق ..يعنى متلاقيش كده مصدر اعلامى موثوق فيه بيقول كلام تقدر تصدقه عندنا ..علشان كده الناس بتضطر تعمل أخبار على هواجها ...والمجال ادامها بيكون مفتوح طبعا علشان مفيش جهاز اعلامى قوى
هههههههههههههههههه
اكتر شعب يحب يفتى
واكتر شعب معندوش كلمة معرفش ان شاء الله لو ادامك اسد وهو شايفه كلب
هههههههههههه
دى مصر ام الدنيا
سعيدة انى بزور حضرتك
ان شاء الله مش الاخيرة
سمر
حلوة حكاية التعتيم على الحقائق دي؟؟
بس الناس بتفتي برضه حتى لو مش فيه تعتيم والامور واضحة
كل واحد يحب يفسرها بطريقته
منوراني دايما
وشكرا على تشريفك وتعليقك
أنا كدة
متفق معاكي في الرأي ده طبعا
كلمة معرفش نادرا ما تسمعيها من اي حد دلوقت
الكل بيفتي
شكرا على مرورك وتعليقك الكريم
وربنا يوفقك في الامتحانات
فين الجديد
"ايموشن بيشد شعره منك"
بندقة
يا سلام بس كدة
انتي تؤمري يا صاحبة السمو
النهاردة انشاء الله
إرسال تعليق