التاج ده جالي هدية من الفنانة الدكتور نعكشة، وهي فنانة لأن رسوماتها تجنن ودكتورة لانها في كلية طب ربنا ينجحها ياارب، وعلشان مش اكون ممل هابدأ على طول لأني عارف ان الموضوعات دي بتبقى تقيلة على ناس كتير.
بدأت تدون من امتي ؟ و دخلت العالم ده ازاي ؟
أنا بدأت التدوين في فبراير 2008، يعني من فترة صغيرة، ودخلته ازاي دي قصة طويلة بس بشكل مختصر كنت بتصفح النت والمدونات واستفزني جدا بوست كانت كاتباه شيرين صاحبة مدونة أيامنا الحلوة..هههههههههههههه.. وكنت عايز أعلق عليه، مش هاقول طبعا هو ايه لأنها هي عارفة، وبعدين عملت المدونة علشان تكون موقع ثابت ليا أعلق من عليه أو أكتب فيه اللي أنا عاوزة. وبالمناسبة أنا بكتب مقالات سياسية لكني قررت من البداية ان مش أنشر أي مقال منها على المدونة أو أتكلم عن أي حاجة تخص الشغل.
ايه كان انطباعك في البداية ؟
ايه كان انطباعك في البداية ؟
والله هي أي حاجة بتكون في أولها ممتمعة لكنها بتتحول مع الوفت لنوع من الملل أو العبء، لكنها مهمة في التعبير عن بعض الآراء الشخصية والتواصل مع الناس الآخرين.
مين أكتر واحد بتهتم بتعليقه علي بوستك الجديد ؟
مين أكتر واحد بتهتم بتعليقه علي بوستك الجديد ؟
أي حد بيكتب تعليق لازم أهتم بيه، ولو مش بهتم مش هاضيف التعليقات أصلا.. وعلى رأي جملة قريتها في مدونة همس الحياة.. المدونة من غير تعليقات زي الصحراء. بس ده ما يمنعش ان فيه تعليقات معينة بتهمني شوية، منها مثلا سنووايت وآبي ونعكشة وبندقة واجدع بنوتة وايامنا الحلوة وعاشقة الجنة ودواير ونودي الزملكاوية ودينا واسراء حامد وعاشقة النقاب وغيرهم كتيير.. بشكل عام اي حد بيعلق ليه كل الاحترام والتقدير والاهتمام.
ايه أهم حاجة اتعلمتها من عالم التدوين ؟
بصراحة.. ولا حاجة،ههههههه بس هي زي ما قولت وسيلة جيدة للتعارف والتواصل مع ناس زي العسل.. ونافذة للترويح عن النفس وإبداء بعض الآراء.
ايه أكتر حاجة كرهتها ؟
ايه أكتر حاجة كرهتها ؟
الأساليب المبتذلة اللي البعض بيستخدمها في تعليقاته أو كتاباته.. بعض الناس بتحب تسفه من البعض أو تحقر من آراء الآخرين.. وفيه مدونين فاتحين مدوناتهم للشتيمة والسب لكل حد مختلف في الرأي.
حاسس ان التدوين له تأثير ؟
بالنسبة لي أنا ليه تأثيييييير كبير طبعااااً.. بس للأسف سلبي.. كفاية انه خلاني انسى رسالة الماجستير بتاعتي واللي بقالي سنة من ساعة ما فتحت المدونة مش كتبت فيها كلمة..ههههههههه.. طبعا مش المدونة هي السبب الرئيسي.. بس أهي شماعة بعلق عليها القصور والفشل والتراخي.
تهدي التاج لمين؟
حاسس ان التدوين له تأثير ؟
بالنسبة لي أنا ليه تأثيييييير كبير طبعااااً.. بس للأسف سلبي.. كفاية انه خلاني انسى رسالة الماجستير بتاعتي واللي بقالي سنة من ساعة ما فتحت المدونة مش كتبت فيها كلمة..ههههههههه.. طبعا مش المدونة هي السبب الرئيسي.. بس أهي شماعة بعلق عليها القصور والفشل والتراخي.
تهدي التاج لمين؟
أيامنا الحلوة
نونو 8 بنانيت
عاشقة الجنة
مريم
نهر الحب
دواير
هناك 40 تعليقًا:
انا اسمى مكتوب
دايما انا اول كومينت
ههههههههههههههههه اى خدمه
اجابات زى الفل
السلام عليكم
المدونة من غير تعليقات زي الصحرا ليه ابدا
المهم تتقري مش يمكن يكون الموضوع متكامل ومش محتاج اضافة
المهم تاج دمه خفيف
تحياتي
كلام جميل يا نور الحياة
الله ينور
تحياتى
hello
:)
اجابات حلوة وموضوعيه اوى
ربنا يوفقك ويكون فى عونك
وشد حيلك شوية فى المستر بتاعتك
تحياتى
التدوين ده حقيقى حكايه كبيره قوي
وفعلا حاجه بجد مهمه كفايه بنقدر نتكلم فى مجتمع كل فرد فيه مش عايزنا ولا سامحلنا نتكلم اجابات رائعه ربنا يكرمك يارب
تحياتي
عارف احلى حاجه فى البوست ده ايه اه والله
انك محدفتنيش بالتاج ده فى قفايا اصله ورم بجد ههههههههههههه
وبعدين تعالى هنا اديك فوق مش استفدت وانا اللى عماله انبح فى صوتى انا وخرفانى واحاول اغير السلبيه فى الناس وانت مفيش فايدة مش استفدت روح اللهى سمكه بلطى تعضك ههههههههههه
بالنسبة لي أنا ليه تأثيييييير كبير طبعااااً.. بس للأسف سلبي
دي اكتر حاجه عجبتني لان انا بحس نفس الاحساس
وميرسي يا جميل ع التاج بسيط ومش اسئلته خصوصية اوووي
ورغم انة مقلب بس سيادة الباحث السياسى يؤمر
انت تؤمر يافندم
فعلا بجد اجاباتك حلوة اوى
وربنا معاك
انا همشى بقى لانى كدة هضرب علشان اروح المعتقل واجيب حاجات وبعدين اسافر
الله عليك
اجاباتك جامده
و التاج اسمحلي اضعه علي راسي
نودى الزملكويه
تصدق بالله انا عماله اقراء ولا جه فى باللا انك تقصدنى غير فى تانى سطر
يعنى اشهد عليك الناس واقول لهم انك بتيجى عاندى وتفضل تغيظ فيه بعد الماتشات
ماكنش العشم
هى دى كلمه الف سلامه عليكى يانودى
وانا عيانه وملازمه الفراش
ومهما تعمل على فكره انت ليك معزه خاصه عاندى
علشان تعرف الفرق بس
تحياتى
ياشيوعى يا بتاع اللون الاحمر
يالهوي ههههههههه انا السبب في دخولك عالم التدوين عايزة هدية بقى بسررررعة
الحمد لله ان البوست اللي انا كتبته واستفزك خلاك تدخل عالم التدوين انا حكيت الحكاية ونزلت لينك البوست كمان عشان يشوفوك وانت ماسكلي الساتور وانا مسكالك الشاكوش وكانت هتبقى مجزرة يلا المسامح كريم
تحياتي يامصري يامش غلبان ههههه
ازيك
يارب تكون بخير
اولا بجد ايجاباتك صريحة ودا شئ حلو جداا لان الصراحة شئ جميل
اما عن تمريرة لى فانت بتعاقبنى ولا اية ؟؟
بس ان شاء الله احاول اعملة
وانا شاكرة جدا لك
ربنا يوفقك
تحياتى
هى فين باقى إجابات التاج ؟
اجابات حلوة :)
ايه الشطارة دي :)
شكرا للي اداك التاج ..
مشكورة يا نعكشة :)
ربنا يعينك يا رب
طيب مفكرتش تاني في حكاية الماجستير دية؟؟؟
فكر والله اصل انا اعرف حد عمل التمهيدي بتاع الماجستير
وكان خلاص بقة هيبقي مع دكتور و بتاع
وبعدين كسل
وراح عليه التمهيدي
فزعلت قوي
اعملة كدة و خليك شوجاع
الحمد لله رب العالمين
مشوفتش مدونة عاملة نفسها للشتايم
ابقى قولي هما فين عشان اتحقق بنفسي
هههههههههههههه
بهرج
الحمد لله
هوه مش دايماً سلبي
بس اهو
ساعات
يلا خير
سلام عليكم
انت رحت فين
اوعي تكون بتصيف
د أجدع بنوتة
هو مش دايما قوي ان انتي اول كومينت.. ده انتي بقالك شهرين مختفية يا دكتورة.. بس طبعا يشرفني جدا تكوني اول كومينت.. ويارب كدة دايما منوراني ويوفقك في الامتحانات
تحياتي
كلام على بلاطة
متشكر على مرورك وتعليقك الجميل
تحياتي
نونو عاشقة النقاب
اللي بقصدة من انها زي الصحرا انها بتكون جرداء .. لان التعليقات هي اللي بتدي نوع من الحياة لاي بوست.. هي اللي بتخلي فيه تواصل مع الناس
وشكرا على مرورك ودايما منوراني
جي جي
متفق معاكي وربنا يوفقك ويكرمك
وشكرا على مرورك ويارب دايما تنوريني
تحياتي
ابي
انا عارف طبعا ان الواجب هيكون تقيل عليكي قوي .. وممكن تطنشيني فيه.. علشان كدة مش رضيت أحدفه عليكي..
بالعكس ده يؤكد رأيي .. شوفي بقالك قد ايه بتحاولي تغيري سلبية الناس ومفيش فايدة.. يبقى التدوين ملهوش اي تأثير ايجابي.. ومش بيفيد حد..ههههه
سموك منوراني دايما
مريم
كويس فيه حد اتفق معايا
منوراني دايما وحمد لله على سلامتك
تحياتي
نونو 8 بنانيت
ربنا يكرمك يا رب.. عارف ان الواجب تقيل بس استحملي شوية
مسافرة على فين؟؟؟؟؟؟؟
تحياتي ومنوراني دايما
عاشقة الجنة
ربنا يكرمك يا رب
التاج هو اللي هيتشرف وينور من راس سموك
تحياتي ودايما منوراني
نودي
هو عيب يعني لما أقول نودي الزملكاوية..وبعدين انا باجي عند أهنييكي على الخسارة دايما.. كدة ابقى بغيظك..ههههه
انا مش كنت اعرف انك تعبانة.. بس بجد الف الف سلامة ليكي
انتي ليكي معزة اكتر رغم انك زملكاوية..
شيوعي احمر.. ده شرف ليا..ههههه
منوراني سموك والله
اه مبروك للزمالك الفوز على المحلة
أيامنا الحلوة
انتي هديتك هتبقى كبيييييييييرة قووووي علشان انتي اللي دخلتيني عالم التدوين...هههههه.. بس ابقي استحمليها
وبعدين انتي سيحتيلي ونزلت البوست من جديد.. ماشي يا ستي.. خلي الناس هي اللي تحكم
منوراني دايما يا شيرين
تحياتي
نهر الحب؟؟
يعني عايزاني انا لوحدي اللي اتعاقب يعني؟؟؟؟؟؟؟؟؟؟؟؟؟؟؟؟
ربنا يكرمك
ومنوراني دايما
mercy devil
هو يعني لازم الأسئلة كلها تتجاوب.. كفاية دول؟؟؟؟؟؟؟؟؟
منورني في اول مرور
قهوة بالفانيليا.. شيماء على
ايه الشطارةدي؟؟؟ استاهل حتة شكولاته طيب؟؟؟؟؟؟
منوراني وشكرا لمرورك ولصاحبة التاج طبعا الفنانة الدكتورة نعكشة
تحياتي
نعكشة
بالنسبة للماستر سموك هو انا بالفعل لسة بشتغل فيه وانجزت جزء منه بس حصل كدة حالة خمول وكسل وانشاء الله هتنتهي وارجع اكمل فيه تاني..
وبعدين انتي المفروض اول وحدة تعلقي هو التاج ده مش بتاعك
منوراني يا دكتورة
عاشقة الجنة
موجود سموك
بصيف في أبوظبي؟؟؟هههههههه
لا ابدا بس شوية احباطات كدة وانشاء الله تخلص قريب
شكرا لسؤالك ودايما منوراني
انا برده بدأت في مدونتي من شهر فبراير
الاساليب المبتذلة فعلا بتضايقنا كلنا انا بتمني تختفي من عالم التدوين بجد
بس ليه تاثير المدونة سلبي كدة , دي اكيد حجة , ياريت تكمل فيها وتحكيلنا بقي عن تجربتك مع رسالة الماجيستير قريب اوي علي المدونة
تمنياتي بالتوفيق
الف سلامه عليك من الاحباط
قطيعه تقطع الاحباط وسنينه اللي طايلنا كلنا
اجابات حضرتك عجبتني فعلا
و بجد ربنا يكرمك علي مجاملتك و رأيك في تعليقي و اللي بجد خلاني سعيدة جداااااا
بس هرجع تاني و اقول اني زعلت اوي لما قلت ان المدونة نستك الماجستير بتاعتك لأن لازم يبقي فيه اولويات في حياتنا
في ناس معينة بتقي مدوناتهم هي اهم حاجة ليهم لأن بيبقي مجال عملهم اصلا الكتابة مش مجرد موهبة
بس طالما حضرتك في مجال تاني بتشتغتل فيه مع الكتابة لازم تهتم بيه اوي و تراجع حسابات تاني و متخليش حاجة تطغي علي حاجة
شوف انهي فيهم اللي هيوصلك لهدفك و هو ده اللي ياخد الاولوية و التاني بعده
انا عارفة اني حشرت نفسي حبة في الموضوع بس حسيت اني لازم اقول كده
اتمني اسمع اخبار كويسة قريبا ان شاء الله بخصوص الماجستير بتاعتك و بعدها الدكتوراه كمان ان شاء الله
ربنا يكرمك و يوفقك يارب
و جزاك الله كل خير مرة تانية علي كلامك الجميل
انت فييييييييييييييييييييييييييين
سنواويت
مصادفة جميلة جدا اننا بدأنا التدوين في نفس الشهر.. بس طبعا مدونة سموك اجمل مليون مرة من اللي عندي
ربنا يوفقك
ويارب دايما منوراني
عاشقة الجنة
ربنا يكرمك يا رب.. ويسمع منط.. يقطع الاحباط وسنينة
دايما منوراني سموك
اسراء حامد
على فكرة دي مش مجاملة دي حقيقة.. انتي من الناس اللي تهمني تعليقاتها جدا
ومتشكرا جدا على النصيحة الغالية دي.. انا عارف اني مصر شوية بس انشاء الله الامور تكون احسن قريب
شكرا لمرورك ودايما يارب كدة منوراني
تحياتي
عاشقة الجنة
موجود سموك.. انا اصلا نزلت بوست واضطريت اني اشيله بعد التعليقات اللي انتقدتة جامد
ومتشكر جدا على سؤالك
تحياتي
إرسال تعليق