ده أول تاج يجيلي بصراحة.. شوفته في بعض المدونات وعلقت كمان عليه .. لكنه أخيرا أصبح ملكي أنا.. جاني هديه من همس الحياة .. بنت الصعيد الجواني الجدعة، المتفتحة، الذكية .. سلام يا جدع لبنت الصعيد الجواني ولكل بنات مصر.. سلام مربع شحط محط بس من غير ضرب نار... وبما إني هاتقمص دلوقت دور الملك المتوج.. فأنا هاقول أحلى كلام وتهييس.. مش عايز حد يعارض.. مفيش ديمقراطية عندي .. أنا أتكلم وانتو تقولوا آمين حتى لو مش كنتم فاهمين .. هي دي الديمقراطية .. الديمقراطية اللي أنا أعرفها هي حكم الملك (اللي هو أنا دلوقت) للشعب من غير رضا الشعب.. الدستور هو كلامي حتى لو كل شوية اتغير.. مصلحتي الشخصية هي المصلحة العليا الوحيدة.. فلوس البلد هي فلوسي.. الهدف الأسمى إني أفضل متوج على كرسي الحكم لحد ما أموت (علشان كدة أنا ممكن ما أمررش التاج لحد تاني ههههههههه)..
سيبونا بقى من التهييس ده.. قواعد التاج بتقول إني أتبع الخطوات الآتية، وأنا هاتبعها بس علشان خاطر همس الحياة:
1ـ أذكر 10 أشياء عن نفسك:
هو صعب إن الواحد يتكلم عن نفسه، بس أعمل ايه كله يهون فدا التاج
(1) متردد كتير قوي خاصة في اتخاذ القرارات المصيرية
(1) متردد كتير قوي خاصة في اتخاذ القرارات المصيرية
(2) دايما ببص للمستقبل بنظرة تشاؤمية وبقلق، رغم اني انسان ناجح في شغلي وحياتي الحمد لله، بش مش عارف ليه دايما قلقان من بكرة، يمكن لأن كل الأخبار اللي بتجيلي من مصر كئيبة أو معظمها كدة، أو يمكن يكون قلة ايمان بالله، بس دي الحقيقة
(3) كئيب، وعلشان كدة بحب الأفلام والأغاني النكدية
(4) سفسطائي، يعني ساعات أحب أجادل الناس في حاجات انا عارف إنها غلط بس لمجرد الجدل وخلاص، وساعات بيكون الهدف فتح مجالات للحوار أكتر.
(5) دماغي ناشفة، لما بقتنع بحاجة صعب أغيرها بسهولة، ولما بعاند عليه العوض..هههههه
(6) ناس كتير من اللي يعرفوني بيقولوا اني طيب، معرفش ليه طبعا
(7) كرامتي فوق كل اعتبار، ودي حاجة مهمة جدا عندي، لو حسيت في أي سلوك او كلام محاولة للمساس بكرامتي مش بسمح بيها مهما تكون النتيجة.
(8) بحب أساعد الناس مادام في استطاعتي أعمل كدة
(9) بحب أرخم في بعض الأوقات، بس على الناس اللي بعزهم واللي يعرفوني كويس، يعني الرخامة عندي دليل معزة وحب.
(10) بحب أتفرج على الأفلام والمسلسلات الرومانسية الحزينة
2/ اختر 5 أشخاص تهدى لهم التاج:
ـ أيامنا الحلوة
ـ بندقة
ـ د/ أجدع بنوتة
ـ أحيانا
ـ على الطريق
3/ لا تهدى التاج لمن أهداك اياه
ماشي يا سيدي انت تؤمر ولو ان بصراحة اللي أهداني التاج ده يستحق تاج من الألماظ
(4) سفسطائي، يعني ساعات أحب أجادل الناس في حاجات انا عارف إنها غلط بس لمجرد الجدل وخلاص، وساعات بيكون الهدف فتح مجالات للحوار أكتر.
(5) دماغي ناشفة، لما بقتنع بحاجة صعب أغيرها بسهولة، ولما بعاند عليه العوض..هههههه
(6) ناس كتير من اللي يعرفوني بيقولوا اني طيب، معرفش ليه طبعا
(7) كرامتي فوق كل اعتبار، ودي حاجة مهمة جدا عندي، لو حسيت في أي سلوك او كلام محاولة للمساس بكرامتي مش بسمح بيها مهما تكون النتيجة.
(8) بحب أساعد الناس مادام في استطاعتي أعمل كدة
(9) بحب أرخم في بعض الأوقات، بس على الناس اللي بعزهم واللي يعرفوني كويس، يعني الرخامة عندي دليل معزة وحب.
(10) بحب أتفرج على الأفلام والمسلسلات الرومانسية الحزينة
2/ اختر 5 أشخاص تهدى لهم التاج:
ـ أيامنا الحلوة
ـ بندقة
ـ د/ أجدع بنوتة
ـ أحيانا
ـ على الطريق
3/ لا تهدى التاج لمن أهداك اياه
ماشي يا سيدي انت تؤمر ولو ان بصراحة اللي أهداني التاج ده يستحق تاج من الألماظ
4/ أترك لصديقك الذى أهداك التاج بان التاج نزل وتعالى شوفه
بس كدة من عنيا الاتنين
......
بس كدة من عنيا الاتنين
......
هناك 23 تعليقًا:
هو اللى بقيت ملحظاة على متير من الناس انهم بقوا كئيبين ومتشائمين ....... صحيح الاحوال من حولينا لاتنبأ بالخير بس برضة لايزال الامل موجود
واضح الكئاب والتشاؤؤم طبعا
ايه يابنى بى فريش كده
خليك متفائل
وقوى ايمانك بربنا
وبطل تردد
وميرسى ع التاج
أول مرة اشوفك بتتكلم عن نفسك بتحفظ كدة.. أمال فين الكلام بتاع زمان اللي كنت فالقنا بيه.. كل شوية أنا عظيم .. أنا عبقري.. أنا محصلتش.. أنا خسارة في البشرية.. راح فين ده كله..هههههه
أنا متفقة معاكي انك فعلا متردد وبتاخد وقت طويل قوي لحد ما تحسم أمورك، بس يمكن اللي قدامك مش عنده طولة البال دي.
وبعدين بطل بقى الكآبة شوية وعيش حياتك زي الناس.. خليك فريش كدة شوية
تقبل تحياتي وكل سنة وانت طيب بمناسبة شم النسيم وتحرير سينا وعيد العمال
متردد يانهاااااااااار التردد ده اصعب حاجة بيخلي الانسان دايما حاسس بالفشل وان قراره خطأ اصلي انا كنت كده دايما مترددة في قراري وبالتالي لما بقرر شئ بيغلب عليا الشعور بانه قرار خطأ بس عالجت نفسي بصراحة من الحكاية دي وقررت اني مكونش متردد واتحمل نتيجة قراري مهما كان
شكرا على التاج ولوني مش عارفة اكتب ايه عن نفسي عشرة حجات كتيرة بس ان شاء الله هجاوب عليه بكل امانة وكل سنة وانت طيب بمناسبة عيد العمال بس الاعياد التانية لا هههه
تحياتي
ايه سقسطاني دي
ههههههههه
اول مرة اسمع الكلمة دي بجد
اجاباتك جميلة بغض النظر يعني عم موضوع التشاؤوم و الاكتئاب اللي بقي مالي البلد اليومين دول
تحياتي ليك و شكراا مرة اخري علي اهدائك التاج
همس الحياة
شيء طبيعي يا صعيدية ان ده يحصل، فيه ايه حولينا في مصر ما يخليش الواحد يكتئب.. بس عندك حق مازال الأمل موجودا
منوراني بجد يا صعيدية يا جدعة وشكرا على التاج مرة تاني
د/أجدع بنوتة
الاكتئاب واضح قوي للدرجة دي..ههههههههه
خلاص هاحاول أكون فريش ومتفائل انشاء الله، وكمان هاحاول اكون حاسم
منوراني بكل تأكيد
الكلام ده مش معناه اني غيرت رأـيي في نفسي.. أنا لسهة برضة عظيم .. وعبقري.. ومحصلتش.. وخسارة في البشرية..هههه
اتمنى ننتهي من حكاية التردد دي بسرعة، يلا دعواتك معانا
منوراني ومتشكر على التعليق الجميل ده
أيامنا الحلوة
أنا متفق معاكي تماما في اللي قولتيه
فعلا التردد ده اصعب حاجة بيخلي الانسان دايما حاسس ان قراره خطأ حتى لو مرت فترة طويلة على أخد القرار ده، لكن الغريب انه ما بيقدرش كمان ياخد قرار بالتراجع، ودي مشكلة تانية.
واضح انك كنتي فعلا بتعاني من مشكلة التردد دي.. والف مبروك انك نجحتي في علاج نفسك من الحكاية دي .. ادعيلي انا بقى؟؟
ليه عيد العمال بس.. اوعي تكوني مصدقة ان عيد شم النسيم حرام.. واياكي ما تكونيش خرجتي النهاردة واكلتي فسيخ وبيض ملون.. هازعل
كل سنة وانتي طيبة
إسراء حامد
سفسطائي يعني الشخص اللي بيحب يجادل في الناس لمجرد الجدل، وجاية منها كلمة سفسطة.. يارب تكون وضحت؟؟
ومتشكر جدا على تعليقك وكلامك الجميل، وانتي فعلا تستاهلي التاج.
ودايما منوراني
ياااااااااه هو انا دايما اجى متاخر كده
هديه مقبوله يا مصرى يا غلبان
بس اصبر عليا بقى اصل انا فى التاجات دى بنام اوى وعندى كمان واحد لسه ماعملتوش
بس كلامك عن نفسك حلو اهو يابختك انا مش بعرف اتكلم زيك كده
كل سمات شخصيتك كويسه واذا كان على العند بسيطه
بس ليه الاكتاب والحزن الازلى ده
يابنى انت لسه شباب
افرح ارقص غنى
قد ماتقدر عيش
اجابات جميلة والتاج دة وقع عندي برضه اياك اعرف اجاوب
تحياتي لحضرتك
بندقة
سموك دايما بتيجي في مواعيدك مظبوط هو انا بس اللي يمكن بنزل البوست بدري شوية...هههههههه
وبعيدن انا واثق ان اجابتك هتكون أمتع بصراحة والكثر لباقة
عندك حق بالتاكيد في ان الواحد لازم يعيش حياته.. وعن نفسي شغلت الاغنية كلها بتاعة عبد الحليم
شكرا على التعليق
ومنوراني بالتأكيد يا دكتورة
عاشقة النقاب
ربنا يكرمك
وشكرا على المجاملة الرقيقة
وشكرا مرة تاني على التعليق
ويارب دايما منوراني
أكتر حاجة زعلتني في كلامك الحتةدي :"دايما ببص للمستقبل بنظرة تشاؤمية وبقلق، رغم اني انسان ناجح في شغلي وحياتي الحمد لله، بش مش عارف ليه دايما قلقان من بكرة، يمكن لأن كل الأخبار اللي بتجيلي من مصر كئيبة أو معظمها كدة، أو يمكن يكون قلة ايمان بالله، بس دي الحقيقة".. الحياة فيها متع وافراح كتير وفيها طبعا التعب ليه احنا مخليين الخوف والتعب يعمينا عن المتع والنعم .. وبعدين ليه قلة ايمان قول اعوذ بالله من الشيطان الرجيم .. ربنا يقويك ويعينك
شكرا على التاج الأمور ده .. ربنا يسهل واعرف اجاوب
التاج نزل تعالى شوفه
معلش يا أميرة انتي عارفة اني متشائم على طول الخط
ربنا انشاء الله يفك العقد دي..هههههه
وميرسي على تعليقك الجميل ده
ومبروك عليكي التاج
طبعا انا اؤيد حريتك فى التحدث عن نفسك
ومهما قلت ومهما بدا نقدك القاسى لنفسك فهو ارحم من ان ينتقدك احدهم
الاكتئاب مرض العصر ناس كتير بتعانى منه اللى فى بلده واللى متغرب
بس بلاش تسمع او تشوف اغانى وافلام نكدية هتزيد حالتك سوء دماغك ناشفة هو انت صعيدى ولا ايه
الكرامة اهم شىء عند الانسان
واخيرا اقولك ان لو فيك بس حاجة صغيرة حلوه فأنت انسان متميز مهما كان حجم المساؤ اللى فيك
لك تحياتى
ياااااااه...بقالي كتير عايزة اعلق ومش عارقة....كانت فيه مشكلة مش فاهماها..ما علينا
...المهم...جامدة أوي حكاية سفسطائي دي..يعني الاعتراف بالحق فضيلة....بس ياريت بلاش تشاؤم...يعني تفاءل شوية....أما بالنسبة للدماغ الناشفة دي...صعايدة بأه..ولا إيه؟؟؟
سفسطائي، يعني ساعات أحب أجادل الناس في حاجات انا عارف إنها غلط بس لمجرد الجدل وخلاص، وساعات بيكون الهدف فتح مجالات للحوار أكتر.
دا انت رخم طيب بقى هأخد بالى بعد كده ههههههههههههههه
عملت ايه فى الاكله قولى ولا رهى اللى عملت لك الهسهس والتهييس ده هههههههههخخخخخخخخخخخ
سمراء
شكرا على مداخلتك الرقيقة
هو مش نقد ذاتي قد ما هو محاولة فهم لطبيعة شخصيتي.. وبعدين مين قالك اني ممكن اسمح بنقد الاخرين..ههههههه
معاكي ان الاكتئاب مرض العصر، وحاول ما اسمعش اغاني نكدية هاشغل اغاني سعاد حسني الدنيا ربيع والحياة بقى لونها بامبي.. بس لاسف الطبع يغلب التطبع
وشكرا على مجاملتك
ودايما منوراني
دواير
أخيرا ظهرتي يا إسراء
نورتي المدونة كلها
هاحاول ما أكونش متشائم يا ستي، أما بالنسبة للدماغ الناشفة دي...فالحال من بعضه.. صعايدة بأه..هههههه
نورتي مرة تاني
وبلاش تغيبي بقى
آبي
حمد لله على السلامة يا قمر
ما أنا قولت اني رخم.. نعمل ايه بقى..ههههههه
بالنسبة لموضوع الاكلة انا وعدتك اني هاجربها بس استني عليا شوية لما اخلص من دور البرد اللي عندي
ولازم اقولك على النتيجة طبعا
منورة مرة تاني يا قمر
إرسال تعليق