الجمعة، 14 مارس 2008

أجمل ما قيل عن الحب


* قمة الحب أن يجبرك الصمت على الكلام فيعجز الكلام عن التعبير فتصمت وتبقى النظرات.
* الحب كالحرب من السهل أن تشعلها . . من الصعب أن تخمدها
*الحب هو اللعبة الوحيدة التي يشترك فيها اثنان ويكسبان فيها معاً أو يخسران معاً .
* الحب جزء من وجود الرجل ، ولكنه كل وجود المرأة
* الحب : تجربة وجودية عميقة تنتزع الإنسان من وحدته القاسية الباردة لكي تقدم له حرارة الحياة المشتركة الدافئة
* قد يولد الحب بكلمة ولكنه لا يمكن أبداً أن يموت بكلمة
* الحب لا يقتل العشاق . . هو فقط يجعلهم معلقين بين الحياة و الموت
* في الحب خطابات نبعث بها وأخرى نمزقها وأجمل الخطابات هي التي لا نكتبها
* تكلم هامساً عندما تتكلم عن الحب ( وليم شكسبير )
* الحب جحيم يُطاق . . والحياة بدون حب نعيم لا يطُاق ( كامل الشناوي )
* قد تنمو الصداقة لتصبح حباً، ولكن الحب لا يتراجع ليصبح صداقة ( بيرون )
* الحب تجربة حية لا يعانيها إلا من يعيشها ( سيمون دى برافو )
* الحب المجنون يجعل الناس وحوشاً (فيون)
* إذا سمعت أن امرأة أحبت رجلاً فقيرا، فاعلم أنها مجنونة، أو اذهب إلى طبيب الأذن لتتأكد من أنك تسمع جيداً (برونولي)

هناك 24 تعليقًا:

د/اجدع بنوته يقول...

ياعينى ع الحبببببب

وحلاوة الحببببببببببب

ربنا يرزقنا جميعا الحب

ونفضل طول عمرنا كائنات محبه

في حب مصر يقول...

يا رب يا أجدع بنوتة ربنا يرزقنا بالحب الحقيقي بس بمشاعره الجميلة الإيجابية مش بمشاعره السلبية المدمرة

samah يقول...

حب ايه اللي انت جاي تقول عليه
انت تعرف قبله معنى الحب ايه؟؟؟؟؟؟

وبعدين انت مالك بالحب خليك في السياسة بتاعتك وسيب الحب لصحابه؟؟؟

بالمناسبة عجبتني جدا اخر مقولة، أنا عن نفسي ما سمعتش عن وحدة حبت واحد فقير أو أفقر منها

سماح

M.a.r.y.o.o.o.m يقول...

سماح فكرتني بإغنية سيب الحب لناسه خليك احسن ناسي ولا تتضحك علي قلبي ولا تجرح إحساسي
ياسيدي يا سيدي بدأ قلبنا يدق قلبك أهو مش انا دعتلك

غير معرف يقول...

الحب لايقتل العشاق .. هو فقط يجعلهم معلقين بين الحياة والموت

معاني الحب كثيرة وكل ما ذكرته فعلا يحمل معاني الحب

وربنا يرزقنا جميعا بحب صادق ينتهي نهاية سعيدة وليست مؤلمة

تحياتي

في حب مصر يقول...

سماح
أنا اكتر واحد عارف الحب بمعناه الإيجابي والسلبي وعارف ازاي ممكن يخليكي في السما وازاي ممكن تحطك تحت الأرض

وبعدين أنا قولت اغير شوية بدل ما تبقى كلها كدة سياسة وكآبة

انتو لا كدة عاجب ولا كدة عاجب
أقطع نفسي يعني؟؟؟؟؟؟؟

تمنياتي ليكي بحياة سعيدة وحب صادق

في حب مصر يقول...

مريم

لو اني مسمعتش الاغنية دي ولا اعرف مين اللي غناها بش اكيد جميلة علشان انتي بتفتكريها

ومتشكرين يا ستي على دعواتك الجميلة مع خالص تمنياتي ليكي بحب صادق يملى حياتك

في حب مصر يقول...

أيامنا الحلوة

تعرفي انا بنزل حاجات مش كئيبة بس علشان خاطرك انتي

اتمنى ان ربنا يكرمك فعلا بالحب الحقيقي اللي يملى دنيتك وحياتك وتعيشي سعيدة دايما بالحب

M.a.r.y.o.o.o.m يقول...

بقالك فترة مختفي ليه خير

ابو العربى يقول...

جامده جداا
حبت تعريفات للحب تتحط فى قاموس بجد روعه
تقبل تحياتى

غير معرف يقول...

ايه ده .. حب وتفاؤل .. لالالالالالالا أن أكيد دخلت مدونة غلط

ربنا يحلي أيامك بحب صادق يكون في الطرفين كسبانين
تحياتي

في حب مصر يقول...

مريم

موجود يا ست الكل
مقدرش اختفي
انتي بس قولي عفركوش وتلاقيني على طول ظهرت
وبقولك شبيك لبيك

في حب مصر يقول...

ضد الظلم
متشكر جدا على تعليقك الجميع وتشريفك مدونتي البسيطة ويارب دايما منورني

على فكرة انا متهيألي انك هتتعب في الفترة الجاية
لانك ضد الضلم والظلم بيزيد للأسف
ههههه
تقبل تحياتي

في حب مصر يقول...

على الطريق
أولا متشكرا جدا يا أميرة على مرورك على مدونتي البسيطة ويا رب تنوريني دايما
بس بجد قعدت أضحك متير لما شوفت تعليقك سواء هنا على البوست ده أو ردك على تعليقي على موضوع عمرو خالد بتاعك، واضح ان روحك حلوة
اتمنالك بجد الحب الصادق الحقيقي.. ده طبعا اذا ما كانش موجود دلوقت

جيلان يقول...

بسم الله
بوست جميل واحلى شئ الاحساس الى حسيتو وانا بقرأ الجمل احساس لايوصف
عجبتنى اوى الجمله دى
قمه الحب ان يجبرك الصمت على الكلام فيعجز الكلام عن التعبير فتصمت وتبقى النظرات
الجمله دى انا حاسيتها بجد بجد
الحب يالها من كلمه
تقبل مرورى وتحياتى موضوع رائع
جيلان

في حب مصر يقول...

جيلان
احب ارحب بيكي الأول في اول زيارة لمدونتي وده شرف ليها وليا
واضح من تعليقك ان احساسك مرهف لأبعد الحدود، ودي أجمل حاجة في أي بنت،
واتمنى يارب تلاقي الاحساس بالحب الحقيقي اذا ما كانش موجود فعلا

نورتيني واتمنى تكرار زيارة مدونتي البسيطة

همس الحياه يقول...

السلام عليكم
بجد كلمات تحفة رقيقة وواقعية وصادقة
دى اول زيارة لمودونتك وان شاء الله مش هتكون الاخيرة وشكرا على مرورك على مدونتى

همس الحياه يقول...

هى ملحوظة صغيرة بس علشان تسهل على الناس كتابة التعليق ياريت تلغى تأكيد الكلمة

في حب مصر يقول...

همس الحياة

شكرا يا صعيدية على تعليقك الجميل

بس أكيد مهما كانت رقة الكلمات انتي هتكوني ارق منها

ودايما منوراني

غير معرف يقول...

يا سلام عبارات في منتهى الرقة والجمال
بجد عجبتني جدا وأول مرة أقرى جمل باروعة والجمال ده

بجد تسلم على ذوقك الأكثر من راااائع

وتقبل تحياتي :)

ميرا المصري..

dr_mera_al_masry.maktoobblog.com

غير معرف يقول...

اخ اخ اه بس

هوا كدا الحب جميل جدا بس بعزب اوي بنفس الوقت

اتمنى لجميع المحبين حياة مليئه بالسعاده وامنى بجد ان يستمر هذا الحب بينهم للأبد

وان لا يفرقهم عن بعض قولو امين

ياااااااااااارب

امل

روسي يقول...

هاي كيفكم انا احمد فلسطيني بس حاليا في النرويج. شو اخباركم

روسي يقول...

كيفكم

روسي يقول...

zlzal.f.m@hotmail.com