الاثنين، 25 فبراير 2008

طرائف خفيفة

نزولاً عند رغبة الجماهير وعلشان تبقى الدنيا حلوة شوية مش كئيبة على طول الخط قررنا نحن السلطان مارنجوس الأول نشر بعض النكت الخفيفة التي أرسلها لي أحد أصدقائي بالإيميل، ويا رب تعجبكم:
واحد صعيدي كان مسافر فلما وصل المطار لقاهم مركبين جهاز جديد عبارة عن مرايا لما تقف قدامها تعرف عنك كل حاجة, فالصعيدي انبسط و راح وقف قدام المرايا
المرايا قالتله: أنت هريدي من الصعيد وعندك طيارة كمان نص ساعة
الصعيدي اتبسط وراح لبس خواجه ورجع تاني وقف قدام المرايا
المرايا قالتله: انت هريدي من الصعيد وعندك طيارة كمان ربع ساعة
الصعيدي راح لبس خليجي وراح تاني وقف قدام المرايا
المرايا قالتله, ايوة انت هريدي من الصعيد خليك قاعد تستهبل كده لحد ما الطيارة تروح عليك
****
صحفيه بتجرى لقاء مع واحد من ملاّك الأبقار
الصحفية: أنت بتأكــــل البقر إيه؟
المزارع : أنهي وحدة فيهم البيضا ولا الحمرا ؟؟
قالت : البيضا
قال :البيضا بأكلها برسيم
قالت طيب والحمرا
قال : والحمرا برضو بأكلها برسيم
قالت :طيب بتسكنهم فين؟
قال: انهي فيهم البيضا ولا الحمرا؟؟
قالت: البيضا
قال: البيضا بسكنها في الحوش الي هناك
قالت: والحمرا
قال : والحمرا برضو بسكنها في الحوش نفسه
قالت : طيب لما بتفسحهم بتعملهم إيه؟
قال : أنهي فيهم البيضا ولا الحمرا ؟؟
قالت: البيضااااااااااااا
قال: البيضا بلف بيها حولين الترعه لفتين
قالت طيب والحمرا
قال: و الحمرا برضو بلف بيها حولين الترعه لفتين
قالت: انت ليه كل مره اسئلك بتقولي انهو فيهم انهو فيهم وفي الاخر بتعاملهم زي بعض؟
قال: أصل البقره البيضا بتاعتي
قالت: والحمرا؟؟
قال: والحمرا برضو بتاعتي!!!
****
مرة واحدة حبت تتدلع على زوجها
قامت غنتله اغنيه نانسي عجرم "إهدى حبيبى كدة وأرجع زى زمان"
الراجل راح مطلقها ورجع لأيام العذوبية!!
**
واحد بقول لصاحبه أنا هأعمل مفاجأة لمراتي فى عيد جوازنا
صاحبه: "هتعمل لها إيه؟"
الزوج: "حوديهاالصين"
صاحبه: يا راجل فى عيد جوازكوا العاشر توديها الصين، أمال فى عيد جوازكوا الخمسين هتعمل ايه؟!!!!!!"
الزوج: هروح اخدها من هناك !
***
اليسا وهيفاء وهبي ونانسي عجرم راكبين قطار وبيتكلموا عن فارس أحلامهم
إليسا قالت: نفسي أتجوز ضابط
هيفا قالت: نفسي أتجوز صيني
نانسي قالت: نفسي أتجوز لاعب كرة مشهور
سمعهم واحد دخل عليهم وقالهم
معاكوا العقيد شونج يونج الشهير بأبوتريكة
***
صعيدي مراته ولدت بنت الساعه 3 بعد نص الليل ..
.دبحها وقال ماعنديش بنات تيجى آخر الليل
***
واحدة بتقول لجوزها انت لازم تطرد السواق لانه كان حيموتني مرتين في حادثة
قالها معلش خلينا نديه فرصة ثالثة
***
مره تاجر كتاكيت كان ماشي بالعربيه وفيها كتاكيت
وقفته لجنه تموين والمفتش سأله: الكتاكيت دي بتأكلهم ايه؟
رد عليه وقال: ذرة يا بيه.....
المفتش قاله انتو ما بتفهموش حاجة الكتاكيت دي بتاكل علف
........ وراح عمله غرامة 1000 جنيه....
راح التاجر مشي بالعربيه وهو في الطريق وقفته لجنه تموين تاني
المفتش سأله انت بتأكل الكتاكيت دي ايه
رد عليه وقال بوكلهم علف يا بيه
فقال له المفتش انت حمار انت بهيم دي بتاكل ذرة وعمله غرامه 1000 جنيه
وبعد شويه وهو ماشي وقفته لجنه تموين تالتة
المفتش سأله نفس السؤال انت بتأكل الكتاكيت دي ايه
رد عليه وقال: يا بيه انا كل يوم الصبح ادي كل كتكوت جنيه وهو ياكل اللي عايزه

هناك 5 تعليقات:

غير معرف يقول...

عجبتني النكتة بتاعت الراجل اللي سفر زوجته للصين هههههههههه...
ايوه كده خلي الحياة حلوة
نشكرك على تلبية رغبة الجماهير ايوه كده غرق المدونة نكت وتفاريح

تحياتي

في حب مصر يقول...

طلباتك أوامر
وانشاء الله تكون أيامك كلها فرح وسعادة

مصري غلبان

M.a.r.y.o.o.o.m يقول...

بص دول طيب بقي لسه جينلي طازة عارفه إن فيهم بايخين :-
1- واحد غبي جاله عقد عمل فى الكويت، يوم السفر قاعد فى المطار فالمذيع الداخلى بيقول : "على ركاب الرحله 770 المتوجهه الى الكويت التواجد بصاله الدخول"، "النداء الاخير لركاب الرحله 770 المتوجهه الى الكويت التواجد بصاله الدخول." فموظف المطار بيقوله "رحله الكويت هتطلع يا أستاذ" ، فيرد عليه ويقوله : "يا عم دول طالعين رحله .. انا طالع شغل
2- بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، راح فى الصباحية بيقولها "مستر هريدى موجود؟" قلتلوا "نجولو مين؟
3- مره 2 فشارين بيفشروا على بعض الاول قالله انا كنت فى الغابه وجالى اسد شافنى اتخض ام ميت قالله يا خرابى وانا كنت فى الصحراء جالى تعبان جريت منه ورا الباب الاول ام قايله مفيش باب فى الصحراء وبعدين قالله استخبيت فوق الشجره قاله مفيش شجر فى الصحره التانى قالله عاجبك كده اهو كلنى
4- اتنين مساطيل قاعدين قدام مرايا الاول بيقول لصاحبوا مش واجب برده نقوم نسلم ع الجماعه اللى قاعدين دول قالوا واجب برده ولسه حيقوموا راح التانى قالوا اقعد يا عم اهم جاييين علينا اهم
5- واحد مسطول الظابط قالة "اسمك اية" قالة "انا ياباشا? قالة "لا انا يا اخويا" قالة "سعيد يا باشا" قالة "سنك كام" قالة "انا يا باشا" قالة "لا انا يا اخوية" قالة "انت 42
43
كفاية كده بقي
سلام

في حب مصر يقول...

ما كنتش اعرف ان دمك خفيف كدة بصراحة أمال ايه لازمة الخنقة يا بنتي.

لا فعلا نكت جميلة والأجمل انها جاية منك ويارب دايما تكوني سعيدة وفرحانة وروحك خفيفة كدة
بس ما تنسيش تبعتيلي النكت اللي بتوصلك اول باول

مصري غلبان

غير معرف يقول...

انت فين ياباشا
يعني بعد الاحتفال بوصول العدد الى اربع الاف محدش شافك ولا سمع صوتك