بما إني هاسافر قريب على مصر الحبيبة لقضاء الأجازة السنوية ومش هكون موجود في فترة العيد والشهر اللي بعديه، فحبيت أعيد عليكم من دلوقت، وأقولكم كل سنة وانتو طيبين وربنا يجعل كل أيامكم أفراح وأعياد. والبوست ده بقى حبيت أنزل فيه بعض الكلمات الساخرة الجميلة اللي جتلي بالإيميل، يعني مش أنا اللي كاتبها أو مؤلفها. وكل سنة وانتو طيبين مرة تاني ونلتقي على خير انشاء الله في شهر نوفمبر القادم.نزلت في يوم الصيدلية
أسأل عن علاج للعزوبية
وصفولي الحياة الزوجية
ونصحوني قبل ما أخده أقرا النشرة الداخلية
قلت مش مهم بس أقضي على اسمها ايه دية
وفعلا دخلت قفص الحياة الرومانسية
حب ودلع وأهم من ده كله مابقيتش لوحدية
وفي كل مناسبة نجيب لبعض هدية
ونختلف لكن نتناقش ونوصل للحل بصورة ودية
ونجيب عيلين يبقو عزوة ويملو علينا البيت شوية
عظيم خفيت من العيا وعايشة حياة هنية
نتفسح ونخرج وكله مية مية
وتيجي خناقة، زي الموجة بسرعة تروح معدية
ونقول دي من توابل الحياة الأساسية
وتمر مشكلة بسيطة كدة، أمور شكلية
مش مهم مين غلطان دي مش مواضيع جوهرية
طالما القصد خير، فإنما الأعمال بالنية
***
هي مالها الحياة كده بقت عادية؟
والمعارك كترت كدة لية، كانت فين مستخبية؟
قومي اكوي لي القميص يا ولية
الله؟ مش ده اللي قبل كدة كان بيقول يا نور عنية؟
بص كويس في دولابك حتلاقى قمصانك كلها مغسولة ومكوية
هبلت في الرد أنا باين علية
مش مهم حأرد بطريقة أحسن المرة اللى جاية
ايه اللي أنا حاسة بية ده ايه اللي بيجرا فية؟
وصبحت في يوم الصبحية
لقيت الدنيا بتلف بية
ومش قادرة تشيلني رجلية
وضغطي تلتمية وعشرين على تلتمية
على شوية آلام معدية
قلت أقرا الآثار السلبية
العلاج كله جوانب ايجابية
إلا أن القولون حيبقى دايما في حالة عصبية
وقد يحدث تضخم في الغدة الدمعية
وانتفاخ في الجفون الفوقانية
يصاحبه اكتئاب في الحالة النفسية
وتورم في الأحبال الصوتية
وتقلبات في الحالة المزاجية
وتغيرات شكلية
يا إما سمنة يا إما نحافة مرضية
شراهة أو فقدان شهية
تخمة من الاختلافات الفكرية
حموضة واضطرابات في القناة الهضمية
أنيميا وسوء ﺗﻐﺬية
بدل الحديد، بلع زلط وقنابل نووية
على نسيان شوية مشاعر ضرورية
وارتجاج في الأوضاع الدماغية
طول اليوم أعمال منزلية
بيت وولاد وتربية
أعباء وتحمل مسؤولية
تصل لآلام روماتزمية
وأوجاع في السلسلة الفقرية
زعيق وخناق وحاجات جنونية
تأخر في القوى العقلية
نشاط في في جهاز المناعة اللي بقى دايما في حالة دفاعيةضد الحروب البكتيرية
تصلب في الشرايين الهيامية
وانقباض في المشاعر القلبية
إمساك عن الكلمات الاعتذارية
اسهال في الشتائم المؤﺫية
توطن الأمراض النكدية
التحول من حالة طيبة لحالة مفترية
فتق من كتر العنادية
انفجار في الزايدة الدودية
قصور في الوظيفه الكلامية
زيادة افراز هرمون العبودية
برد ونزلات شعبية
من كتر الأمطار الرعدية
وقد تشتكي من حساسية
وجيوب أنفية
وقلة حيلة وضعف شخصية
وصداع على شوية كبت حرية
وحبة أمراض مزمنة مستعصية
تدهور عام في الحالة الصحية
ولتخفيف ﻫذه الآثار يرجى شرب مياه معدنية
وأكل الكثير من الخضروات الورقية
وقريت ملحوظة تحت اللآثار الجانبية
يجب المواظبة على العقار والاستمرارية
لكل اللي عاوزين الحياة الاسرية
فقد اثبتت الابحاث العلمية
أنه الوحيد من بين الأدوية
اللي يقدر يقضي على الحالة اياها بمنتهى الفاعلية
وأنا اللي كنت فاكرة الحياة جميلة وردية
ياريتني سمعت كلامهم يوم ما كنت في الصيدلية
هناك 37 تعليقًا:
كل سنه وانت طيب وتيجى بالسلامه وبعدين بلا جواز بلا وحع قلب يا عم انتم اصلا رجاله متعبه انتم كمان هههههههههههههههه
ايه ده لغايه شهر نوفمبر
لا بجد والله كتير
بس يالا مش مشكله اجازه سعيده
وعيد سعيد
وياسيدى احنا عارفين انه الجواز مشعرو اصبح خسران
حتى انا شايفه انه كمان راى ابى انكم رجاله متعبين
وانا طبعا معاها تعاطفا مع نون النسوه
تحياتى
انا بس جايه اسلم واقول كل سنه وانت طيب
بما ان انت مش بتسال خالص
بسم الله الرحمن الرحيم
كل عام وأنت بخير
وكل زائرى مدونتك
وتقبل الله الصيام
والقيام
والزكاة
وجعله عيد يمن عليكم جميعا
مصر منوره ...
كل سنه وانت طيب
وعيد سعيد ..
ههههههه والجواز احلى حاجه ف الوجود
بس قول ياباسط
اخص علييييييييييييك
انا اجى انت نروح
كل سنة وانت طيب يافندم
الله يطمنك من الحياة الهببية
بس حاول تتدخل تسلم
هههههههههههههههههههه
كل سنه و انت بخير يارب
و تيجي مصر بالف سلامه و ترجع بالسلامه
منتظرين رجوعك بالسلامه ويارب اجازه سعيده
كل عام وحضرتك بخير
ويارب بيوتنا كلنا مش تبقى زي القصه اللى انت كاتبها مش ناقصين بيوت بيسودها الملل
يارب البيوت الجديده كلها تبقى جميله وكلها حب ومشاعر جميله لاخر العمر
تحياتي
كل سنة وانت بألف صحة وسلامه وبرضه تيجي بالسلامه
قلت أقرا الآثار السلبية
العلاج كله جوانب ايجابية
إلا أن القولون حيبقى دايما في حالة عصبية
وقد يحدث تضخم في الغدة الدمعية
وانتفاخ في الجفون الفوقانية
يصاحبه اكتئاب في الحالة النفسية
وتورم في الأحبال الصوتية
وتقلبات في الحالة المزاجية
وتغيرات شكلية
يا إما سمنة يا إما نحافة مرضية
شراهة أو فقدان شهية
تخمة من الاختلافات الفكرية
حموضة واضطرابات في القناة الهضمية
أنيميا وسوء ﺗﻐﺬية
بدل الحديد، بلع زلط وقنابل نووية
على نسيان شوية مشاعر ضرورية
وارتجاج في الأوضاع الدماغية
جامده جدا ههههههههههههه
فينك؟؟؟؟؟؟؟
العيد خلص من بدرى
يارب تكون اجازه حلوه
مش للدرجة دى
يا نور
ايه ياسيدى مش ناوى تنزل بوست جديد
ولا مستنى لما تاخدوا الكاس
انا جايه اهنى بالكاس
والله بكل نفس صافيه
الف مبروك ياسيدى
يااااااااه فينك كل ده يامصري ياغلبان يارب تكون بخير وسعيد في اجازتك لمصر وتحقق كل ما تتمناه
تحياتي
رواية للنشر الإلكترونيّ
الإبداع الحقيقي حري ٌبالتعبير عن ذاته ، والفكر الإنساني لم يخلق ليختنق في ظلام الصدور، والمبدع الحقيقي يمتلك دوماً الحق المطلق في أن تجد أعماله طريقها للنور باعتبارها خلاصة تجربة إنسانية كاملة تستحق النشر .
من هذا المنطلق تعمل دار رواية للنشر الإلكتروني على إفراد مساحة كاملة للنشر لكافة مبدعي الشبكة العنكبوتية بإعتبارها الخطوة الأولي نحو النشر الورقي، وفي سبيل الحلم في أن يصل إنتاجك للجميع تتعهد الدار خدمة النشر الإلكتروني على موقعنا أولاً بصورة تليق بالأعمال مع توفير الدعاية اللازمة والمناسبة له على الشبكة على كافة المستويات ثم تقديم ما يصلح منها لدور النشر المختلفة شرط أن يكون حجم هذه الأعمال صالحاً للنشر الورقي .
بدايتنا هي الحلم المشترك ودافعنا للاستمرار هو الأعمال المميزة من أجل أن نحقق معاً توازناً للنشر الإلكتروني والورقي ... الجديد عندنا هو اختيار أفضل عمل سنوي يصل إلينا كل عام من خلال لجنة تنعقد لذلك وتعتمد في اختيارها في الأساس على استقراء القبول الذي لاقاه العمل المختار لنشره بصفة سنوية في معرض الكتاب مع التزام الدار بتكليف نشره وعمل الدعاية اللازمة له كاملة و بصورة مرضية لصاحبه .
يبقى أن ننوه أننا لن نخضع لشروط النشر المعتاد وتعسف دور النشر التقليدية و يكفي فقط أن يمثل عملك تياراً أدبياً ناضجاً سواء أكان العمل في صورة رواية أو ديوان شعر أو مجموعة قصصية .
لزيارة الدار:
http://rewaya1.blogspot.com/
موقعنا على الفيس بوك
http://www.facebook.com/group.php?gid=41385681402
بريد الكتروني :
rewaya12@hotmail.com
rewaya12@yahoo.com
يالهوىىىىى
انت من ساعتها مجتش
ربنا يطمنا عليك
ايه ياسيدى فينك؟؟؟؟
ما تقلقناش عليك
طل كده وبان
انت فين يابني بجد قلقنا خالص
انت اختفيت فين
اخيرا رجعت بالسلامه
كنت فين كل ده
اظهر وبان عليك الامان
ماهو علشان تظهر لازم الواحد يجى لحد عندك؟
ها هتختفى تانى ولا قاعد
:)
هو انت امتعنت عن التدوين ولا ايه
اين انت؟
خير اللهم اجعله خير
انا بسلم بس
تحياتي
ياااااااااامسهل
شويه وهنمشى نقول مدون تايه يا ولاد الحلال
ايه الحكايه؟؟؟؟؟؟؟
على فكره بقى عايزا ايميل ابعتلك عليه دعوة لزيارة مدونتى لانها قريبا هتقفل للزوار فقط
وطبعا انا بفرح لما بشوف تعليقك عندى
:)
يارب تكون بتقرا تعليقاتنا هنا
ولا انت ضيعت مفتاح المدونه؟؟؟؟
اغنية للبيبى
البيبى عبد الرحمن جانا بالفرحة والامـــل
وبيــه الدنيا فرحــــــت وفرحــنا اكـــــتمل
وفى لفته قــــــــط مقطقط بهيـــــبة جمـــــل
ومهما اتدلع وبكى بالحب والرضا هنحتمل
لان حبه فى قلوبنا اتكلــــــــبش واعتمـــــل
اغنية للبيبى
البيبى عبد الرحمن جانا بالفرحة والامـــل
وبيــه الدنيا فرحــــــت وفرحــنا اكـــــتمل
وفى لفته قــــــــط مقطقط بهيـــــبة جمـــــل
ومهما اتدلع وبكى بالحب والرضا هنحتمل
لان حبه فى قلوبنا اتكلــــــــبش واعتمـــــل
سمموا حياتنا وقالوا الجرعة غير كافية
ولم يكفيهم ما فعلوه بالكرة الارضــــية
خراب ودمار وقتل وجهنم ارضيـــــــة
ويريدون المزيد يتامى العقل والمفهومية
ولا يرون ما فعلته اياديهم الداميـــــــــة
هؤلاء المجرمين اولاد الحراميـــــــــة
احم احمم
دستور يا الى هنا
امال فينصاحب المدونه دى؟
ياعم ماتختفيش كده
حارمنا من بوستاتك وتعليقاتك
ليه كل ده
دى مش حتت زياره لمصر عملت فيك كده
هو انت فين بجد حرام كده يعني بقالك كتير وانت حتي مفيش رساله ليه كده
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وليه تقليب المواجع
واكتر من كده
تحياتى
واكتر من كده
تحياتى
هو كل الناس بطلت تدوين ولا ايه؟؟
مستنية التدوينات الجميلة :)
نحياتى
كل سنة وانت طيب والاثار الجانبية صحيح هى كتيرة لكن هنروح فين اللى بيتزوج بيندم واللى بيقعد عازب بيندم
كل سنة وانت طيب والاثار الجانبية صحيح هى كتيرة لكن هنروح فين اللى بيتزوج بيندم واللى بيقعد عازب بيندم
thx
كشف تسربات المياة
غسيل خزانات
شركة نظافة عامة
إرسال تعليق